Қазақстан Республикасының 2026 жылғы 9 қаңтардағы Заңымен Қазақстан Республикасының «Мемлекеттік көрсетілетін қызметтер туралы» Заңына енгізілген өзгерістер мен толықтыруларды түсіндіру мақсатында “Қырбалтабай ауылдық округі әкімінің аппараты” ММ-ң мамандарымен семинар өткізілді.
Семинар барысында аталған Заңға енгізілген негізгі өзгерістер мен толықтырулар түсіндіріліп, мемлекеттік көрсетілетін қызметтерді көрсету тәртібі, қызмет көрсету мерзімдерін сақтау, мемлекеттік қызметтердің сапасы мен қолжетімділігін арттыру, сондай-ақ заңнама талаптарын сақтау мәселелері қаралды.
Іс-шара барысында мамандарға заңнамадағы жаңашылдықтарды практикалық қызметте қолдану тәртібі түсіндіріліп, қойылған сұрақтарға тиісті жауаптар берілді.
Аталған семинардың мақсаты – мемлекеттік көрсетілетін қызметтерді сапалы әрі уақтылы көрсету, сондай-ақ заңнама талаптарының сақталуын қамтамасыз ету.