Ағымдағы жылдың 28 мамыр күні аудан әкімдігінің жұмыс тобының мүшелері "АМАNАТ" партиясының Еңбекшіқазақ аудандық филиалының төрағасы Багдат Болатович Рахимов, «Алматы облыстық агроөнеркәсіптік кешені және мемлекеттік мекемелер қызметкерлері кәсіподағы» қоғамдық бірлестігінің Еңбекшіқазақ аудандық филиалының төрағасы Жуман Сембаевич Мыкыбаевтың және аудандық ардагерлері Кеңесінің төрағасы Узаков Тлеулес Дуйсебаевичтің қатысуымен Рахат, Ават, Жаңашар ауылдық округі әкімдерінің аппаратында мүгедектігі бар адамдар үшін мемлекеттік қызметтер алудың қолжетімділігіне қоғамдық мониторинг жүргізілді.
Жұмыс сапарының нәтижесінде мемлекеттік қызметтер көрсету кезінде мүгедектігі бар адамдардың құқықтарын қорғау саласындағы Қазақстан Республикасының заңнамасында бұзушылықтар анықталды.
Ават ауылдық округі әкімі аппараты ғимаратының кіре берістегі есік табалдырықтары жарқын сызықтармен белгіленбеген, "Өзіне – өзі қызмет көрсету бұрышы" орналасқан бөлме есігі тар, мүгедектігі бар адамдарға арналған әжетхана қарастырылмаған.
Жаңашар ауылдық округі әкімінің аппаратында мүгедектерге арналған пандус белгіленген стандарттарға сәйкес келмейді: жауын-шашыннан қорғайтын шатырмен жабдықталмаған, «Балалар бұрышы» мен мүгедектігі бар адамдарға арналған әжетхана қарастырылмаған, күту залында келушілер үшін кондиционерлер жоқ.
Рахат ауылдық округі әкімінің аппаратында мүгедектерге арналған пандустың алдында кедергілер бар, ғимаратқа кіре берісте есік табалдырықтары жарқын сызықтармен белгіленбеген, ғимараттың кіре беріс есігі, "Өзіне – өзі қызмет көрсету бұрышы"орналасқан бөлменің есігі тар. Мемлекеттік органның атауы жазылған маңдайшалар стандартқа сәйкес келмейді.
Барлық анықталған бұзушылықтар бойынша көрсетілетін қызметті берушілерге тиісті ұсынымдар мен оларды орындау мерзімі берілді.
Еңбекшіқазақ ауданы әкімі аппаратының
мемлекеттік қызметтер мониторингі
және ақпараттық технологиялар бөлімі