Ағымдағы жылдың 22 қарашасында «Amanat» партиясының Еңбекшіқазақ аудандық филиалының төрағасы, Еңбекшіқазақ аудандық мәслихаттың VIІI шақырылым депутаты Багдат Болатович Рахимовтың, Алматы облыстық мәслихатының депутаты, «Amanat» партиясының мүшесі Ерік Әзілжанұлы Әбитовтың, аудан әкімдігінің жұмыс тобының мүшесі «Алматы облыстық агроөнеркәсіптік кешені және мемлекеттік мекемелер қызметкерлері кәсіподағы» қоғамдық бірлестігінің Еңбекшіқазақ аудандық филиалының төрағасы Жуман Сембаевич Мыкыбаевтың қатысуымен Қорам және Қаражота ауылдық округтері әкімдерінің аппараттарында ерекше қажеттіліктері бар адамдар үшін мемлекеттік қызметтер алудың қолжетімділігіне қоғамдық мониторинг жүргізілді.
Жұмыс сапарының нәтижесінде Қазақстан Республикасының мүгедектердің құқықтарын қорғау және мемлекеттік қызметтер көрсету саласы заңнамасында бұзушылықтар анықталды (нашар еститін және саңырау адамдарды, сондай-ақ көру қабілеті нашар, арбамен жүретін мүгедектерді шұғыл эвакуациялау схемасының және пандустар белгіленген нормаларға сәйкес келмейді).
Барлық анықталған бұзушылықтар бойынша көрсетілетін қызметті берушілерге тиісті ұсынымдар мен оларды орындау мерзімі берілді.
Еңбекшіқазақ ауданы әкімі аппаратының
мемлекеттік қызметтер мониторингі
және ақпараттық технологиялар бөлімі