БЖЗҚ-ның активтерін сенімгерлік басқаруды Қазақстан Республикасының Ұлттық Банкі және салымшының таңдауымен инвестициялық портфельді басқарушылар жүзеге асырады. Зейнетақы ақшасына сатып алуға болатын қаржы құралдарының тізімін ҚР Үкімет бекітеді. Басқару тиімділігін арттыру және инвестициялық бағыттар бойынша ұсыныстарды Қазақстан Республикасы Ұлттық қорын басқару кеңесі әзірлейді.
Қазақстан Республикасы Ұлттық Банкінің инвестициялық стратегиясы активтерді ұлттық және шетел валютасында әртүрлі қаржы құралдарына әртараптандыруға негізделген.
Бүгінгі күні қазақстандықтардың зейнетақы активтері
🔹 мемлекеттік бағалы қағаздарға,
🔹 квазимемлекеттік сектордағы компаниялардың бағалы қағаздарына,
🔹 корпоративтік облигациялар мен ҚР эмитенттерінің акцияларына,
🔹 екінші деңгейдегі банктердің және шетелдік банктердің депозиттеріне,
🔹 сенімді шетелдік эмитенттердің құралдарына инвестицияланады.
Инвестициялық қызмет туралы ақпарат ай сайын БЖЗҚ-ның ресми сайтында жарияланады.