Қазіргі уақытта барлық зейнетақы қызметтерінің 92%-дан астамын қазақстандықтар қашықтан алады, ал олардың ең танымал түрін enpf.kz сайтындағы Жеке кабинет пен БЖЗҚ мобильді қосымшасы арқылы алады.
Жеке кабинет арқылы салымшы/алушылар мынадай қызметтерді пайдалана алады:
▪️ жинақтарыңыз туралы толық ақпаратты алу: жеке зейнетақы шотына түскен жарналар және есептелген инвестициялық кіріс;
▪️ кез келген кезең бойынша ЖЗШ-дан үзінді көшірме алу;
▪️ ең төменгі жеткіліктілік шегі және пайдалануға қолжетімді сома туралы ақпаратты алу;
▪️ зейнетақы шотыңыздың болуы туралы анықтама алу;
▪️ мерзімсіз белгіленген 1 және 2 топтағы мүгедектік бойынша зейнетақы төлемдерін тағайындауға және ерікті зейнетақы жарналарына өтініш беру;
▪️ деректеріңізге өзгерістер енгізу;
▪️ жинақтарды сенімгерлік басқаруға аударуға өтініш беру;
▪️ өтінімдеріңіздің орындалу мәртебесін көру,
▪️ болашақ зейнетақыңызды есептеу және жоспарлау үшін зейнетақы калькуляторын пайдалану.