Рәтбек қажы Нысанбайұлына 80 жылдық мерейтойына орай Қазақстан Республикасы Ақпарат және қоғамдық даму министрі А. Балаеваның құттықтау хатын Алматы облысы Дін істері басқармасы басшысы Р.Есдәулетов табыстады.

Бүгін, Қазақстан мұсылмандар діни басқармасының тұңғыш төрағасы, алғашқы мүфтиі, бүгінде Алматы облысы, Еңбекшіқазақ ауданы Есік қалалық мешітінің бас имамы, Алматы облысының Құрметті азаматы Рәтбек қажы Нысанбайұлының 80 жылдық мерейтойына орай Қазақстан Республикасы Ақпарат және қоғамдық даму министрі А. Балаеваның құттықтау хатын Алматы облысы Дін істері басқармасы басшысы Р.Есдәулетов табыстады.

Сондай-ақ, ұлт руханиятының ұстынын ұсақтатпай, талай жылдар бойы ұлттық құндылықтарымызды өскелең ұрпақтың бойына сіңірудегі қалтқысыз қызметіне Р. Есдәулетов өз алғысын білдіре отырып, тұңғыш мүфтиге зор денсаулық, ұзақ ғұмыр, отбасына амандық, рухани қызметіне зор жетістіктер мен толағай табыстар тіледі.