Қазақстанда емханаға тіркелу науқаны 15 қарашаға дейін жалғасады

Аталған жұмыстар 15 қарашаға дейін жалғасын табады. Бұл туралы Алматы облысы денсаулық сақтау басқармасы басшысының орынбасары Лейла Серікбаева баспасөз мәслихатында мәлімдеді.
Қазақстанда медициналық-санитариялық алғашқы көмек ұйымының тұратын аумағы шегінде еркін таңдау бойынша жыл сайынғы науқан басталады.
Емханаға тіркелу бірнеше жолмен жүзеге асырылады. Мәселен, тұрғындар электрондық үкіметтің www.e.gov.kz
веб-порталы арқылы тіркеле алады, ол үшін ЭЦҚ қажет. Сондай-ақ, халықтың жекелеген санаттары тікелей емханаға жүгіну арқылы тіркеле алады. Ол үшін еркін нысандағы өтініш пен жеке басын куәландыратын құжаты болуы шарт.
«Науқан кезінде медициналық- санитариялық алғашқы көмек ұйымына тіркелген азаматтар 2024 жылдың 1 қаңтарынан бастап медициналық көмек ала бастайды. Бұл ретте медициналық ұйым Қормен алдағы жылға арналған тегін медициналық көмектің кепілдік берілген көлемі шеңберінде және МӘМС жүйесінде алғашқы медициналық-әлеуметтік көмек қызметтерін көрсетуге шарт жасасуы тиіс», - деді Лейла Серікбаева.
Ресми статистика бойынша Алматы облысында тұратын халық саны-1,5 млн. оның ішінде 317 мыңнан астамы сақтандырылмаған. Бұл дегеніміз өңір халқының 22 % -ы МӘМС жүйесіне тіркелмеген деген сөз.
Айта кетейік, сақтандыру мәртебесіне қарамастан, барлық азаматтар тегін медициналық көмектің кепілдік берілген көлемі негізінде медициналық қызмет түрлерін алуға құқылы.