Талғар аудандық ауруханасының дәрігерлері ауыл тұрғындарын профилактикалық тексеруден өткізе бастады

Талғар аудандық орталық ауруханасы директорының бұйрығымен Талғар ауданының тұрғындарына сапалы медициналық көмек көрсету мақсатында дәрігерлік бригада ұйымдастырылды.

Топ құрамына эндокринолог Ғалия Пирмағанбетқызы Сейтматова, невропатолог-Сейтқали Үкебайұлы Нұрғожаев, кардиолог - Данияр Мақашұлы Асылбеков және хирург - Дастан Бағдатұлы рустенбаев кірді. 

Бірінші кезекте көшпелі топ мүшелері Бесағаш және Қызыл ту ауылдарына барып, 200-ге жуық азаматқа кеңес беріп, кейбіреулеріне стационарлық ем қабылдауға жолдама берді.

- Медицина барлығына қол жетімді болуы керек. Біз өңірдің түкпір-түкпірінен келген науқастары өз кабинетімізде қабылдауға әрқашан дайынбыз, бірақ осы шалғай елді мекендерге барып, науқастарға кеңес беру үшін арнайы келдік, - деп бөлісті эндокринолог дәрігер Сейтматова Ғалия Пирмағанбетқызы.