Балқаш ауданында мыңнан астам адам "Гриппол+" вакцинасын алды

Ағымдағы жылдың қазан айының басынан Балқаш  ауданы бойынша тұмауға қарсы вакцинациялау науқаны басталды. ЖРВИ қарсы Балқаш  ауданына 3674 доза вакцина сатып алынды. Жалпы өңір бойынша вакцинамен халықтың шамамен 10%-ын қамту жоспарда бар.

Бұл вакцина тұмаудың алдын алуға арналған. Ол тұмауға қарсы жоғары иммунитетті қалыптастырады және балалар мен ересектер арасында төзімділігі жоғары.  Вакцина алғаннан кейін адам денесінде антиденелер 8-12 күнде пайда болады, иммунитет 12 айға дейін сақталады.

Вакцинаның 1 дозасы 981, 35 теңгеге бағаланады. Балқаш вакцинациялау науқаны басталғалы бері бір аптаның ішінде 1100 тұрғын алды.

Естеріңізге сала кетсек, Қазақстанда тұмауға қарсы вакцинациялау науқаны 3 қазан күні басталған болатын. Мемлекеттік бюджет қаражаты есебінен вакцинацияны халықтың осал топтары алады. Бұл санатқа медицина қызметкерлері; медициналық ұйымдарда диспансерлік есепте тұрған балалар; жетім балалар мен ата-анасының қамқорлығынсыз қалған балаларға арналған білім беру ұйымдарынан, сәбилер үйлерінен және эпидемиологиялық көрсетілімдер бойынша балалар жатады.

Ресми дерекке сүйенсек, жыл сайын әлем халқының 15% - ы тұмаумен ауырады.