Алматы облысы COVID-19 вакцинациясының толық курсын қамту деңгейінің 60% өтті

Пандемия басталғаннан бері Алматы облысында КВИ-дің 34 188 зертханалық расталған жағдайы тіркелді. 100 мың тұрғынға шаққанда сырқаттанушылық көрсеткіші – 2274,4 құрайды. Соңғы екі аптамен салыстырғанда облыс бойынша КВИ өсу қарқыны 0,04% - дан 0,2% - ға дейін өсті. Соңғы аптада өсудің ең жоғары қарқыны Балқаш-0,2%, Ұйғыр – 0,4%, Кеген – 0,3% және Қарасай аудандарында – 1% байқалады.

Соңғы тәулікте өңірде COVID-19 55 жағдайы тіркелді. Эпидемиологиялық жағдайды бағалау матрицасы бойынша Алматы облысы "жасыл" аймақта орналасқан.

Санитариялық-эпидемиологиялық көрсеткіштерді жақсарту және коронавирустық инфекцияның алдын алу үшін өңірде халықты вакцинациялау жұмыстары белсенді жүргізілуде. Өңір тұрғындары вакцинаны 219 стационарлық егу кабинетінен ала алады, сондай-ақ, облыс аудандарындағы 39 жылжымалы пункт жұмыс істейді. 

Бүгінгі күні вакцинаның бірінші дозасын алғандар саны 719 829 адамға жетті, бұл 88,3% – ды құрайды, екінші компонентті 690 572 адам алды. Ревакцинация курсынан өткендердің саны-295 228 азамат немесе иммундауға жататын ересек тұрғындардың 61,8%.

Қазіргі уақытта облыс тұрғындары үш вирусқа қарсы препараттан вакцинаны таңдай алады, олар "Qaz Covid-in"," Sinopharm Vero Cell " және Comirnaty/