Алматы облысында инновациялық технологиялар енгізіле бастады    

19.11.2021 ж. Талдықорған қаласындағы облыстық кардиологиялық орталықта өңірлерде инновациялық технологияларды енгізу аясында аорта қақпақшасын (TAVI) транскатетерлік имплантациялау алғаш рет бірегей ота жасалады.

    Шеберлік сабағын өткізу үшін Нұрсұлтан қаласындағы "Ұлттық ғылыми кардиохирургиялық орталықтың" мамандары, интервенциялық кардиология бөлімінің басшысы Серік Алмазұлы Әлімбаев және катетерлеу зертханасының меңгерушісі Абдурашид Абдуғаниұлы Мұсаев шақырылды.

   Бұл операцияның бірегейлігі жүректің аорталық (ең басты) қақпақшасын ауыстырудың дәстүрлі тәсілі кезінде көкірек қуысын ашу, пациентті жасанды қанайналым аппаратына қосу және жүрек қызметін 30-60 минутқа тоқтату қажет. Аорта қақпақшасын транскатетерлі имплантациялау (TAVI) - кіші инвазивті, ашық хирургиясыз операция. Аорталық қақпақшаны ауыстыру кезінде жүрекке қол жеткізу үшін хирург пациенттің кеудесіне бірде-бір кесу жасамайды. Барлық манипуляциялар тек жалпы анестезиясыз феморальды артерияны тесу арқылы жүзеге асырылады. Мұндай операция классикалық операцияны науқастың жасына және қатар жүретін патологиясына байланысты жүргізу мүмкін болмаған кезде және өмірге тым қауіпті болған кезде жасалады.

Мұндай операция аорта қақпақшасының сыни тарылуы бар пациенттерге өмірге жаңа мүмкіндік табуға және қысқа мерзімде қалпына келтіруге көмектеседі. Артықшылықтары:

- жеңіл төзімділік, жалпы анестезиясыз операция

- кесусіз, тез қалпына келтіру

- жас шектеулері жоқ

- қатар жүретін аурулар болған кезде операцияларды орындауға болады.