Алматы облысында медбикелер күні аталып өтті

12 мамырда бүкіл әлем Халықаралық медбикелер күнін атап өтеді. Бұл мереке Халықаралық Қызыл Крест ұйымының шешімімен 1965 жылдан басталады. Содан бері бұл айтулы күн әлемнің 140 елінде аталып өтіледі. Олардың қатарында Қазақстан да бар. Биыл Алматы облысының 15 мың жұмысшысы өздерінің кәсіби мерекелерін атап өтуде.

Науқастар медбике Орынгүл Бекова туралы жылы лебізін білдірді. Жұмысқа деген адал қарым-қатынасы үшін ол пациенттер мен әріптестер арасында ғана емес, сүйіспеншілік пен құрметке ие болды. Денсаулық сақтау саласында 20 жыл жұмыс істеген. Осы кезеңде ол өзін нағыз маман ретінде көрсетті. Орынгүл Бекованың адал да қажырлы еңбегі назардан тыс қалған жоқ. Медбикелер күні Денсаулық сақтау жүйесі қызметкерлері кәсіподағынан оған 35 мың теңгенің сертификаты табыс етілді.

ОРЫНГҮЛ БЕКОВА ТАЛДЫҚОРҒАН КӨПСАЛАЛЫ АУРУХАНАСЫНЫҢ МЕДБИКЕСІ

- Кәсіподаққа және менің ұжымға үлкен рахмет. Мен үшін басты марапат - пациенттердің алғысы мен әріптестердің құрметі. Бұрын мен облыстық ауруханада және №1 қалалық емханада жұмыс істедім. Қазір көпсалалы аурухананың нейрохирургиялық бөлімінде еңбек етемін.

Орынгүл Бековадан басқа, Алматы облысы бойынша жүзден астам медбике денсаулық сақтау жүйесі қызметкерлері кәсіподағынан ақшалай сертификаттар алды. Үміткерлерді іріктеу кезінде әлеуметтік жағдайы ескерілді

Екінші жыл қатарынан медбикелер өздерінің кәсіби мерекелерін өте қиын жағдайда атап өтуде. Олардың көпшілігі бірнеше ай бойы туыстары мен достарын көрмейді. Бірақ олардың үлесіне түскен барлық қиындықтарға қарамастан, олар қоғам игілігі үшін адал жұмыс істеуді жалғастыруда.

Алматы облысының Денсаулық сақтау жүйесінде  15 мыңға жуық медбике халықтың денсаулығын қорғауда.