Облыстық көпсалалы балалар ауруханасында компьютерлік томограф аппараты орнатылды
Облыстық көпсалалы балалар ауруханасында Денсаулық сақтау басқармасының қолдауымен SOMATOM go заманауи қуатты 128-секциялы КТ жүйесі орнатылды. Бұл аппарат Siemens Healthineers компаниясының ең соңғы үлгілерінің бірі.
SOMATOM go.Top — клиникалық міндеттің күрделілігіне қарамастан пациенттердің кез келген санаты үшін зерттеулердің жоғары сапасын қамтамасыз ететін жүйе. Педиатриядағы зерттеулерге арналған арнайы режимдер сәулеленуді азайтуға және зерттеу уақытын қысқартуға мүмкіндік береді. Бұл кішкентай науқастарды зерттеу кезінде оңтайлы шешім болып табылады. Пациентке қамқорлық жасау үнемі назарда болады. Сонымен қатар барлық параметрлерді диагностикалық мүмкіндіктердің кең спектрін қолдана отырып, пациенттің жеке ерекшеліктері мен мүмкіндіктеріне бейімдейді.
Бұл жүйеде пациентке бүкіл жұмыс процесін бағыттайтын шешімдер қолданылады:
* Планшет операторға қосымша еркіндік пен науқастың жанында ұзақ тұруға мүмкіндік береді.
* Кіріктірілген 2D камера науқасты көз алдында ұстайды, бұл кез келген қозғалысты байқауға және науқастың дұрыс орналасуын қамтамасыз етуге мүмкіндік береді.
* Ыңғайлы оператор консолі және қарапайым қашықтан басқару пульті зертханашының тиімділігін арттырады
КТ кабинеті барлық қажетті жабдықтармен жабдықталған (бұл контрасты затты енгізуге арналған помпа да, пациенттерді ауыр жағдайларда тексеру үшін қажетті ӨЖЖ аппараты да, процедура кезінде Пульс, сатурация мониторингі және басқа да қосалқы аппаратура).
Мұның бәрі медициналық қызметкерлерге біздің кішкентай пациенттеріміздің жанында ұзақ тұруға , оларды алаңдатуға мүмкіндік береді , бұл белгісіз процедурадан қорқу деңгейін төмендетеді және оны мүмкіндігінше ыңғайлы етеді.
Осы уақытқа дейін балаларға КТ-зерттеулер қаланың басқа клиникаларында жүргізілді. Бұл белгілі бір қиындықтар туғызған болатын. Енді қала мен облыстың балалары біздің ауруханада қауіпсіздік пен жайлылық жағдайында тексеріле алады.
Облыстық көпсалалы балалар ауруханасының қызметкерлері Алматы облысының Денсаулық сақтау басқармасына алғыс айтып, Алматы облысының балаларын қабылдауға әзір екенін жеткізді.