Алматы аймақтық көпсалалы клиникасында семинар өтті

Алматы аймақтық көпсалалы клиникасының хирургия бөлімінде медицина қызметкерлеріне арналған "стомацияланған науқастарды оңалту негіздері" тақырыбында білім беру семинары өткізілді. Семинарды  хирургия бөлімінің ординатор дәрігері Суров Максим Юрьевич жүргізді. Іс-шара "Coloplast" фирмасының және тікелей компания менеджері Ерментаева Айгүлдің қолдауымен өткізілді.

Семинар барысында әлеуметтік, психологиялық, сондай-ақ медициналық оңалту мәселелері талқыланды. Сондай-ақ  колостоманы күту бойынша практикалық курс өткізілді.

Осы тақырыптың өзектілігін ескере отырып, аталған клиника қызметкерлері онкологиялық науқастарды оңалтудың әртүрлі аспектілерін қозғай отырып, осындай сабақтарды тұрақты негізде өткізуді жоспарлап отыр.