Талдықорған қалалық көпсалалы ауруханада мастер-класс өтті

Талдықорған қалалық көпсалалы ауруханасында  Нұр-сұлтан қаласындағы Травматология және ортопедия ғылыми-зерттеу институтының профессоры Б. А. Балбосыновтың қатысуымен "тізе буынының артроскопиясы" тақырыбында мастер-класс өтті.

Артроскопия - бұл буын қуысының құрылымдарын көзбен шолып тексеру, сондай-ақ оларға емдік әсер ету мақсатында жүзеге асырылатын ең аз инвазивті хирургиялық процедура.

Процедура артроскоптың көмегімен жүзеге асырылады яғни,  микро-кесу арқылы буынға енгізілетін эндоскоптың бір түрі.

Артроскопиялық техниканың көмегімен мына ауруларды емдеуге болады:

- менискілердің зақымдалған бөліктерін олардың сау бөлігін барынша сақтай отырып алып тастау

- мүмкіндігінше сирек жағдайларда менискаларды тігу

- хондроматозды және сүйек-сілті денелерін жою

- шеміршек сынған жағдайда оның пластикасы

- артропластика және артролиз.

Бұл технология бүгінгі таңда ең заманауи әдіс болып табылады және осындай жоғары технологиялық жабдықты сатып алудың арқасында қала мен облыс тұрғындары басқа қалаларға бармай-ақ, тұрғылықты жері бойынша операция жасай алады. Аталған ауруханада  дәрігерлердің штаты мен медициналық жабдықтар ең жоғары деңгейде. Операциялар пациенттерге тегін медициналық көмектің кепілдік берілген көлемі шеңберінде жүргізіледі.