«Шығармашылық пен ізденіс – сапалы білімге жеткізетін басты жол» постер сессия

Республикалық «Үздік психолог» байқауы жүлдегерлерінің тәжірибесін тарату мақсатында постер сессия алаңы Талдықорған қаласы, №17 орта мектебі базасында өтті.

Аталған шарада Талдықорған қаласы М.Жумабаев  атындағы  №19 ОМГ педагог-психологі М.Кабылбекова бастауыш сынып оқушыларының ұсақ қол моторикасын дамыту ерекшеліктері,  Қапшағай қаласы Ы.Алтынсарин атындағы  №1 ОМ педагог-психологі А.Компаниец арт-терапия элементтерін пайдалана отырып, ерекше білім беру қажеттіліктері бар балалардың эмоционалдық және ерікті сферасын түзету,   Қарасай ауданы Алмалыбақ ОМГ педагог-психологі Б.Аймаш буллинг және алдын алу жолдары,   Алакөл ауданы Қант зауыты ОМ педагог-психологі А.Кыдырбаева инклюзиядағы психологиялық қабілеттерді дамытудағы лагенарияның маңызы,  Қаратал ауданы Лермонтов атындағы ОМ педагог-психологі Т.Липаева постер-кеңес - ата-аналармен өзара әрекеттесудің тиімді түрлерінің бірі ретінде,  Текелі қаласының №6 ОМ  педагог-психологі З.Тулегенова девиантты мінез-құлықты балалармен жеке түзету- дамыту жұмыс жүйесі,  Ескелді ауданы Т.Рүстембеков атындағы ОМ педагог-психологі К.Долдабаева 5-сыныптағы түзету-дамыту жұмыстары,  Талғар ауданы  12 ОМ педагог-психологі М.Естемесова отбасы бақыт мекені,  Ескелді ауданы Жастар НОМ педагог-психологі Г.Декембаева білім алушыдағы психикалық сәтсіздіктің алдын алу бойынша жүргізілетін жұмыстардың тиімділігі, Ескелді ауданы Мелькомбинат НМ педагог-психологі С.Касенова білім беру ұйымдарындағы  қатер тобындағы оқушыларды  анықтау және алдын алу бойынша өз тәжірибелерімен бөлісті.

Облыстық білім беруді дамыту оқу-әдістемелік орталығы  әдіскері Д.Қыдыкенова «Түзету-дамыту бағдарламасын әзірлеу бойынша әдістемелік ұсыныстар» тақырыбында түзету-дамыту бағдарламасын құрастыру бойынша қойылатын талаптар туралы таныстырылым жасап, қатысушылармен кері байланыс орнатты.