«Жас маман» жобасы: тәжірибе және мүмкіндік

«Жас маман» жобасын іске асыру және  әлеуметтік әріптестіктің  мүмкіндіктерін ұсыну, тәжірибе алмасу  мақсатында «Жас маман жобасы: тәжірибе және мүмкіндік» тақырыбында облыстық әдістемелік күн өтті.

Аталған шарада Шамалған ауылындағы Кәсіптік оқудағы көпсалалы  колледжінің инженер-педагогтері  «Автомобиль көлігіне қызмет көрсету, жөндеу және пайдалану» мамандығы бойынша жоғарғы оқу орнымен бірлесе әзірленген  оқу-жұмыс бағдарламасының мүмкіндіктерін,  дуальды оқыту жүйесін, кредиттік-модульдік технологияларын тиімді ұйымдастыру  және заманауи құрылғыда қызмет көрсетудің мүмкіндіктерін тәжірибеде көрсетті.

Колледж базасында ынтымақтастықты жетілдіру бағытында Қ.Сатпаев атындағы қазақ ұлттық техникалық-зерттеу  университетінің  кафедрасы ашылды. Әдістемелік күнге 65 педагог қатысты.