«Инновациялық-педагогикалық тәжірибе» шебер-класс алаңы

«Жалын», «Жігер», «Тамақтандыруды ұйымдастыру» және «Серпін» ассоциация мүшелерінің озық педагогикалық тәжірибесін тарату мақсатында  «Инновациялық-педагогикалық тәжірибе» тақырыбында шебер-класс алаңы  өтті.  

Талдықорған жоғары политехникалық, Көксу ауылшаруашылық, Жаркент жоғары гуманитарлық-техникалық, Талдықорған агротехникалық колледждерінің үздік педагогтері өз тәжірибелерін ұсынды. Сонымен қатар  Алматы облысының қызмет көрсету және тамақтандыру саласындағы инновациялық технологиялар, Есік гуманитарлық-экономикалық, Талғар  политехникалық колледждерінің арнайы пән және өндірістік оқыту шеберлері «Quizizz.com» бағдарламаларын сабақта қолданудың мүмкіндіктерін», «Тағамды креативті безендіру және ұсыну», «Буаздықты анықтаудың тәсілдері» тақырыптарында шебер-класс өткізді.

Шебер-класта  қатысқан 263 инженер-педагог кері байланыс формасын толтырып, іс-шараның тиімділігі туралы ұсыныстарын айтты.