Мемлекеттік қызметтерді және өтініштер мен арыз-шағымдарды сапалы әрі уақытылы көрсету мақсатында аудан әкімі аппаратының басшысы Қ.Ақылбековтың төрағалығымен аудан әкімдігінің мәжіліс залында жиын өткізіліп бір қатар тапсырмалар берілді.

Жиынға Балқаш ауданы әкімі аппаратының Мемлекеттік қызметтер мониторингі және ақпараттық технологиялар және Жалпы бөлімінің басшылары сонымен қатар барлық тиісті бөлім басшылары, ауылдық округ әкімдері және жауапты мамандары қатысты.

«Е-өтініш», «Е-лицензирование» және т.б. ақпараттық жүйелердің іркіліссіз жұмыс істеуінін қадағалау, өтініш түскен бетте күнмен күн қабылдап, уақытылы жабу туралы және көптеген басқа да мәселелер жәйлы түсіндіріліп айтылды. Жұмыс барысында орын алған кемшіліктерді талқылап болашақта болдырмау мақсатында ұсыныстар енгізілді.

Жиынға қатысқан қатысушылар тарапынан қойылған сұрақтарға толыққанды жауаптар берілді.