СТАТИСТИКАҒА 100 ЖЫЛ

Еліміздегі атаулы датаның тарихы 1920 жылғы 8 қарашадан бас­талады. Қазақ АКСР үкіме­ті Қазақстандағы бі­рыңғай ор­та­лық­танған статис­тика жүйесінің бастауы болған «ҚазАКСР-дегі мемлекеттік с­татис­тика туралы ережені» қабыл­­да­ғандықтан, осы күн еліміз­д­ің статистика саласы үшін тари­хи дата ретінде белгіленіп, кә­сіби мерекелердің қатарына енген. Мемлекеттік статистика – статис­тикалық ақпаратты жинау мен өңдеудің орталықтандырған жүйесі. Қазақстанның қазіргі статистика жүйесінде Статистика жөніндегі комитет осы сала­дағы мемлекеттік саясатты қа­лып­тастырып, іске асырушы өкілет­ті орган саналады және елдегі бүкіл статистикалық қыз­метті ұйым­дастырып, үйлестіріп, ба­ғыт­тап отырады. 

Жалпы алғанда, статистика Үкімет үшін ғана емес, қоғам үшін де маңызды. Себебі кез келген аймақтық, ұлттық және әлемдік деңгейдегі статистика сая­си жә­не бизнес шешім қабылдауда ма­ңызды рөл атқарады. Соны­мен қатар мемлекеттің әлеумет­тік-экономикалық даму стратегиясын бел­гілеуде де аталған саланың рөлі зор. Әсіресе мемлекеттік басқару органдарының, халықаралық ұйымдардың, қоғамдық және ғылыми ұйымдардың, халық­ты еңбекпен қамту және жұмыс­сыздық, кедейшілік, баға, халық­тың әл-ауқаты, инвестиция, төлем балансы, сыртқы экономика және тағы басқалар жөнінде сапалы және жедел статистикалық ақ­па­раттардың мем­лекеттік статистика жүйесінде өзіндік орны бар. 

Мемлекет статистикалық мәлімет­тер бойынша түрлі салалар мен ведомство­лардың жұмысын бақылап отыру­ға мүмкін­дік алады. Сол арқылы бюд­жет бөлінісін де реттейді. Мем­лекеттен басқа статистика­лық қызмет жұмысына халық­аралық ұйымдар мен бизнес-құрылымдар жүгінеді. Сон­дықтан да статистердің жұ­мы­сы нақтылықты, талдаудың дұ­рыстығын талап етеді. 

Статистика қажетті мәлімет­термен қамтамасыз етеді. Де­ген­мен ол белгілі бір көрсеткіштер­дің айнасы болып қана қоймай, шешім шығару үшін де ма­ңызды рөл атқарады. Сондық­тан статис­тика ғылымы әлеуметтік-эко­номикалық құ­бы­­лыстарды талдауды өзін­дік әдіс-тәсілдер, ережелер жиынтығы ар­қылы жасайды. Тіпті оны басқа да ғы­лым­дар өз зерттеулерінде, тәжі­ри­бе­сінде қолданатынын ескер­­сек, статистиканың біздің өмі­ріміз­де алар орны зор екенін бай­қай­мыз.

Жүз жыл ішінде Қа­зақ­станның статистика жүйесі халықаралық талаптарға сай өзгерді. Бүгінгі таңда еліміздің бұл саласында заң жүйесі, на­рықтық экономика елдеріне сай статистика салалары, статистикалық әдістемелері бар. Сонымен қатар статистика жасау үшін қажетті заманауи технологияларды енгізу жұмыстары да сәтті жүзеге асырылып жатыр. 

Қазақстанда мемлекеттік статистика органдарының жұмысын «Мемлекеттік статистика тура­лы» заң реттейді. Бүгінгі таңда ста­­тистикалық қызметтің дамуы Ұлт­тық экономика министр­лігінің стра­тегиялық жоспарына сай жү­зеге асырылады. Бұл жос­парды жү­зеге асыру үшін жыл сайын әрбір мемлекеттік орган нақ­ты әре­кеттер белгілеп, опера­циялық жос­пар құрады. 

Республикамыздың статисти­ка ор­гандары экономика, әлеу­меттік және демографиялық инди­катор, ауыл шаруа­шылығы мен халық тұрмысы секілді түрлі са­ла­лар бойынша халықаралық талап­тарға сай объективті және толық мәлімет бере алады. 

Департаменттің ең мықты мамандары күн сайынғы еңбектерімен өз шеберліктерін дәлелдеуде. Олардың ішінде мұны өз өмірінің ісі деп санайтын қызметкерлер, статистика ардагерлері, атап айтсақ ұзақ жылдар бойы аудандық статистика басқармасын басқарған, бүгінгі күн арамызда жоқ Нұрбеков Мәкей, Асқанбаев Сабыр, Ақкушіков Бекберген, Молдахметов Дәуір ағаларымызбен қатар маман болып іқызмет атқарған Касеинов Мұхамади ағамыз өз қызметтеріне асқан жауапкершілікпен қарап, осы салада маңдай терін төккен жандар. Солармен қатар, қазіргі таңда көп жылдарғы бейнетінің зейнетін көріп отырған Нұрманбетова Назым, Қазанбаева Нағима апаларымызда өз ісінің білікті маманы.

Қазіргі таңда осы саланы жетік меңгерген ауданның статистика басқармасын басқарып отырған басшы Оразбаев Ғалымжан Серікбайұлы, ұзақ жылдар бойы қызмет етіп келе жатқан Қыдырбекова Ғалымкүл Советқызы, Қойшыбаева Сания Саматқызы және Қуанышбаева Гүлмира, Төкен Зарина, Додабаева Гүлім, Шұлғаубаев Азамат, Қаратай Меруерт сынды қызметкерлер өздерінің біліктіліктерімен еңбектерінде абыройға бөленіп жүрген жандар.

Статистика органдары іскер, білімді, табысқа жету жолдарын меңгерген, тәжірибесі мен білімін өзінің жұмысына салатын, ой-пікірлері бар нағыз патриоттарды тәрбиелеп келеді. 

100 жылдық мереке қарсаңында статистика саласында қызмет істеп жүрген және қызмет істеп кеткен жандарды мерекелерімен құттықтай отыра, ел игілігі жолындағы қызметтеріңізге табыс, отбасыларыңызға амандық, береке-бірлік, елімізге тыныштық тілеймін! Отанымыз – Қазақстан Республикасының өсіп-өркендеуі жолындағы қызметтеріңіз жемісті болсын!

 

 

Балқаш ауданының статистика басқармасы басшысы Оразбаев Ғалымжан Серікбайұлы