Балқаш ауданы бойынша Әдеп жөніндегі уәкіл Қ. Ақылбеков 2022 жылғы 19 желтоқсанында мемлекеттік қызметшілермен бөлім басшылары, ауыл әкімдерімен құмар ойындарға әуесті адамдар туралы түсіндіру бойынша дөңгелек стол мен кеңес өткізді. Қазақстан Республикасының Мемлекеттік қызмет істері агенттігіне қадағалау органдарынан бірқатар мемлекеттік қызметшілердің құмар ойындарға тәуелділігі және ойын-сауық мекемелерінде олардың кірістеріне сәйкес келмейтін соманы жұмсау фактілері бойынша мәліметтер келіп түседі.
Қазақстан Республикасы мемлекеттік қызметшілерінің Әдеп кодексіне сәйкес мемлекеттік қызметшілер қызметтен тыс уақытта жалпы қабылданған моральдық-этикалық нормаларды сақтауға, кішіпейілділік танытуға, тиісті қызметтерді алу кезінде өзінің лауазымдық жағдайын баса көрсетпеуге және пайдаланбауға және қоғамдық имандылыққа қол сұғумен ұштасатын қоғамға жат мінез-құлық жағдайларына жол бермеуге тиіс.
Сондай-ақ аталған кодексте мемлекеттік қызметшілерге қарапайым болуға, өз іс-әрекеттерімен және мінез-құлқымен қоғам тарапынан сын тудырмауға талаптар қойылады.
Мемлекеттік қызметшілерге басқа азаматтармен бірге кез-келген ойын-сауық орындарына баруға тыйым салынбайды.
Дегенмен, жеке табысынан бірнеше есе көп ақша
ойын-сауық орындарындағы шығындар қоғамның сынына әкелуі мүмкін.
Құмар ойындарға деген шамадан тыс құмарлық мемлекеттік қызметкерлерді басқа заңсыз табыс көздерін іздеуге итермелеуі мүмкін (сыбайлас жемқорлық көріністеріне жол беру және оңай ақша табуға басқа әрекеттерді жасау).