Талдау тобын құру туралы

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қантардағы Қазақстан Республикасы Заңының 37-бабына, Қазақстан Республикасы Мемлекеттік қызмет істері және  сыбайлас жемқорлыққа қарсы іс-қимыл агенттігі Төрағасының 2016 жылғы       8 желтоқсандағы №78 бұйрығымен бекітілген Мемлекеттік қызметтер көрсету сапасын мемлекеттік бақылау қағидаларына сәйкес және мемлекеттік қызметтер көрсету сапасын арттыру және қолжетімділікті қамтамасыз ету бойынша шаралар қабылдау мақсатында ӨКІМ ЕТЕМІН:

1. Балқаш ауданы бойынша мемлекеттік қызмет көрсетуші ауылдық округтер мен мемлекеттік органдарда көрнекі ақпараттың қолжетімділігін арттыру, мемлекеттік қызмет алушыларға (соның ішінде мүгедектігі бар адамдарға) қажетті жағдайлар жасау, мемлекеттік қызмет көрсетуді жетілдіру мәселелерін бақылау үшін талдау тобы қосымшаға сәйкес құрылсын.
2. Аудан әкімінің 2023 жылғы 10 мамырдағы «Талдау тобын құру туралы» №30-ө н/қ өкімінің күші жойылсын.
3. Осы өкімнің орындалуын бақылау аудан әкімі аппаратының басшысы Ғ.Оразбаевқа жүктелсін.

Дата публикации

25 июля 2025