Балқаш ауданы Бақанас ауылдық округіне қарасты Бақанас ауылының солтүстік-шығыс бөлігіндегі Бап Өмірзақов атындағы көше бойында орналасқан саябаққа және Бақанас ауылының солтүстік-шығыс бөлігіндегі Юсуп Тілеубайұлы атындағы көше бойында орналасқан саябаққа атауларын беру мақсатында 2023 жылдың 16-шы маусымында тұрғындардың жалпы жиналысы өтіп, оған барлығы 49 адам қатысты. Жиынның қорытындысы бойынша, Бақанас ауылының солтүстік-шығыс бөлігіндегі, Бап Өмірзақов атындағы көше бойында орналасқан саябаққа «Ардагерлер саябағы» және Бақанас ауылының солтүстік-шығыс бөлігіндегі Юсуп Тілеубайұлы атындағы көше бойында орналасқан саябаққа «Аналар саябағы» атауларын беру жөнінде шешім қабылданып, облыстық ономастика комиссиясына жолданды.
Бақанас ауылдық округі әкімінің аппараты