Меню
1) ауыл шаруашылығы салаларын дамытудың басымды мемлекеттік бағдарламаларын іске асыруға қатысу;
2) агроөнеркәсіп кешеніндегі реформаларды тереңдетуді, жетілдіруге, шаруашылық жүргізудің әртүрлі үлгілерін дамытуға қатысу;
3) егін шаруашылығы саласындағы басымды бағыттарды анықтау, ауыл шаруашылығы дақылдарын өсірудің озат технологияларын енгізуге ықпал ету;
4) ауыл шаруашылығы дақылдарын өсіруде алдыңғы қатарлы технологиялармен шетелдік озық тәжірибені енгізуге ықпал ету;
5) ауыл шаруашылығы жұмыстарын өткізуде әдістемелік және тәжірибелік көмек көрсету;
6) астық қолхаттарын беру арқылы қойма қызметі бойынша қызметтер көрсету жөніндегі қызметті лицензиялау;
7) бекітілген кестеге сәйкес жаңа егіннің астығын қабылдауға дайындығы тұрғысынан астық қабылдау кәсіпорындарын жыл сайынғы айқындауды жүзеге асыру;
8) астық қабылдау кәсіпорындары зерттеп-тексеру актілерін ресімдеуді қамтитын бақылауды жүргізу;
9) Қазақстан Республикасының әкімшілік құқық бұзушылық туралы заңнамасында көзделген тәртіппен астық қолхаттарын беру арқылы қойма қызметі бойынша қызметтер көрсету бойынша қызметті жүзеге асыру құқығына лицензияның қолданылуын тұтастай немесе жекелеген операцияларды жүзеге асыру бөлігінде алты айға дейінгі мерзімге тоқтата тұру;
10) әкімшілік-аумақтық бірліктің шегінде астық нарығын мониторингтеуді жүзеге асыру;
11) астық қабылдау кәсіпорындарының: Қазақстан Республикасының Кәсіпкерлік кодексіне сәйкес астықтың сандық-сапалық есебін жүргізу; астықты сақтау; астық қолхаттарын беру, олардың айналымы және оларды өтеу қағидаларын сақтауын бақылау;
12) өсімдіктерді қорғау саласында халық арасында түсіндіру жұмысын ұйымдастыру мен жүргізу, сондай-ақ жеке және заңды тұлғаларға зиянды организмдер бойынша фитосанитариялық мониторинг жүргізу жөнінде әдістемелік көмек көрсету;
13) өсімдіктерді қорғау саласындағы нормативтік құқықтық актілер және фитосанитариялық іс-шаралар туралы мүдделі адамдарға ақпарат беруді ұйымдастыру;
14) пестицидтерді (улы химикаттарды) өндіру (формуляциялау), өткізу және қолдану жөніндегі қызметті лицензиялау;
15) ауыл шаруашылығы өнімдерін өсіру мен өндірудің технологиясын олардың көлемі мен сапасын сақтауды қамтамасыз етеді;
16) ауыл шаруашылығы саласындағы ғылыми зерттеулерді жүзеге асыруға қатысады;
17) тиісті кәсіпорындар мен мекемелермен бірлесе отырып астық қорларының мемлекеттік балансын жасауға қатысу;
18) облыстың ауыл шаруашылығында мемлекеттік және мемлекеттік емес кешенінің ара қарым - қатынас әрекетінің механизмін жасау;
19) ауыл шаруашылығын дамытуға мемлекеттік жағынан қолдау мен көмек көрсету жөніндегі ұсыныстар дайындауды қамтамасыз ету;
20) минералды тыңайтқыштар мен гербицидтерді субсидиялау бағдарламасы бойынша белгіленген нормативтерге сәйкес субсидия беру;
21) Карантинді объектілердің таралуының есебін жүргізеді және уәкілетті орган мен мүдделі тұлғаларға ақпарат береді;
22) өсімдіктер карантині саласындағы мемлекеттік саясатты іске асырады;
23) мемлекеттік карантиндік фитосанитариялық бақылау және қадағалау объектілерінде осы объектілердің иелері – жеке және заңды тұлғалардың, сондай-ақ мемлекеттік басқару органдарының өсімдіктер карантині жөніндегі іс-шараларды жүргізуін ұйымдастырады;
24) уәкiлеттi органның ұсынуы бойынша тиiстi аумақтарда карантиндiк режимдi енгiзе отырып, карантиндi аймақты белгiлеу немесе оның күшiн жою туралы шешiм қабылдайды;
25) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады;
26) қайта өңдеу, терең өңдеу және инвестициялық субсидиялау жөнінде түсіндірме жұмыстарын насихаттау;
27) агроөнеркәсіп кешеніндегі егін шаруашылығы саласы бойынша инвестиция жобаларды іске асыруға ықпал ету;
28) техникалық қауіпсіздікті сақтауды қамтамасыз ету;
29) ақпараттық қауіпсіздіктің сақталуын қамтамасыз ету.
Өтініштерді қабылдау, қарау және субсидияларды төлеу тәртібі
Субсидиялардың тиісті түрлеріне өтінімдер қабылдау бюджет қаражатының бар-жоғына қарамастан осы Қағидаларға 2-қосымшаға сәйкес өлшемшарттарда көзделген мерзімдерде ауыл шаруашылығы жануарларының тіркелген орны бойынша жүзеге асырылады.
Өтінімді қалыптастыруды және тіркеуді тауар өндіруші жеке кабинетте мынадай тәртіппен жүргізеді:
1) мәліметтерді енгізе отырып, өтінім қалыптастырады, сондай-ақ осы Қағидаларға 3-қосымшада көрсетілген құжаттардың электрондық көшірмесін сканерлейді және қоса тіркейді;
2) өтінімді СМАЖ-да: тауар өндірушінің;
нотариус тағайындайтын мұраны сенімгерлікпен басқарушының (тауар өндіруші қайтыс болған жағдайда) ЭЦҚ-сын қою арқылы тіркейді.
Ескерту. 20-тармақ жаңа редакцияда - ҚР Ауыл шаруашылығы министрінің 25.06.2024 № 217 (01.07.2024 бастап қолданысқа енгiзiледi) бұйрығымен.
ЭЦҚ қойылғаннан кейін өтінім ЖАО-ның (көрсетілетін қызметті берушінің) Жеке кабинетінде қолжетімді болады. ЖАО (көрсетілетін қызметті беруші) өтінім келіп түскен сәттен бастап 2 (екі) жұмыс күні ішінде деректердің және қоса берілген осы Қағидаларға 3-қосымшада көрсетілген құжаттардың толықтығына тексеруді жүзеге асырады. Сәйкес болған жағдайда, өтінім мақұлдануға жатады, ЖАО (көрсетілетін қызметті берушінің) жауапты орындаушысының ЭЦҚ-сы қойылады және мақұлданған өтінімдер тізіліміне (күту парағына) барып түседі, сондай-ақ ЖАО (көрсетілетін қызметті беруші) осы Қағидаларға 6-қосымшаға сәйкес нысан бойынша субсидиялау алуға арналған өтінімді қарау нәтижелері туралы хабарлама жібереді.
Өтінімдерді қарау және мақұлданған өтінімдер бойынша субсидияларды төлеу өтінімдерді тіркеу күні мен уақытына сәйкес кезектілік тәртібімен жүзеге асырылады.
Ескерту. 21-тармақ жаңа редакцияда - ҚР Ауыл шаруашылығы министрінің 25.06.2024 № 217 (01.07.2024 бастап қолданысқа енгiзiледi) бұйрығымен.
Субсидиялар беруден бас тарту үшін негіздер болған кезде ЖАО (көрсетілетін қызметті беруші) тауар өндірушіге осы Қағидаларға 7-қосымшаға сәйкес нысан бойынша мемлекеттік қызметті көрсетуден уәжді бас тартуды жолдайды.
Субсидияларды беруден бас тарту Тізбенің 9-тармағында көрсетілген негіздер бойынша жүзеге асырылады.
Тиісті бағыт бойынша қаражат болған жағдайда, ЖАО (көрсетілетін қызметті беруші) өтінім мақұлданғаннан кейін 2 (екі) жұмыс күні ішінде ай сайынғы қаржыландыру жоспарын ескере отырып, "Қазынашылық-Клиент" ақпараттық жүйесіне жүктелетін субсидияларды төлеуге арналған шоттарды СМАЖ-да қалыптастырады.
Субсидия көлемі тиісті айға арналған Қаржыландыру жоспарында көзделген бюджеттік қаражат көлемінен асатын өтінімдер бойынша субсидияларды төлеу өтінімдердің келіп түскен күніне сәйкес кезектілік бойынша келесі айда жүзеге асырылады.
Екінші деңгейдегі банктің ағымдағы шотының деректемелері туралы қате мәліметтерге байланысты төлеуге шоттар қайтарылған жағдайда, ЖАО (көрсетілетін қызметті беруші) тауар өндірушіден екінші деңгейдегі банк шотының деректемелерін өзгертуге арналған қосымша өтініш негізінде ағымдағы өтінім бойынша СМАЖ-да екінші деңгейдегі банктің деректемелеріне тиісті өзгерістер енгізеді.
24-тармақ жаңа редакцияда - ҚР Ауыл шаруашылығы министрінің 25.06.2024 № 217 (01.07.2024 бастап қолданысқа енгiзiледi) бұйрығымен.
24-1. Өтінімді толық қанағаттандыру үшін қаражат жеткіліксіз болған жағдайда, ЖАО (көрсетілетін қызметті беруші) СМАЖ арқылы тауар өндірушінің жеке кабинетіне тиесілі субсидияларды ішінара төлеу жөнінде ұсыныс жолдайды. Тауар өндірушінің ұсынысы 2 (екі) күн ішінде қабылданады/қабылданбайды. Тауар өндіруші келіскен кезде ЖАО жіберілген ұсынысқа сәйкес төлем жүргізеді. Тиесілі субсидиялардың қалғаны қаражатты субсидиялар түрлері арасында қайта бөлу және (немесе) ағымдағы/келесі қаржы жылында (жылдарында) бюджет қаражатын бөлу кезінде төленеді.
Тауар өндіруші ішінара төлеу туралы ұсынысты қабылдамаған кезде немесе 2 (екі) күн өткеннен кейін ұсыныс күту парағына сәйкес келесі тауар өндірушіге жіберіледі.