Проблемалық сұрақтар талқыланды

Бүгін Алматы қаласы бойынша ҚАЖ департамент және № 72 мекеме басшылығы Алматы қаласы адвокаттар алқасының  адвокаттарымен жұмыс кездесуін өткізді.

Кездесу барысында адвокаттар қылмыстық іс-жүргізу шеңберінде өз қорғауларындағы күдіктілермен кездесуде туындайтын мәселелер туралы жеткізді. 

Департамент бастығы әділет полковнигі Ерлан Ұзақов тергеу изоляторында 1700-ден астам күдіктілер ұсталатындықтан, оларды адвокаттармен, қоғамдық қорғаушыларымен кездестірудің өзіндік қиындығы туралы айтып кетті. 

Алда проблемалық сұрақтарды шешуге бағытталған ұсыныстар мен  жаңа әдістер енгізілетін болады.