ҚАЖД МАМАНДАРЫНЫҢ ҚАТЫСУЫМЕН "ЗАҢҒА БАҒЫНҒАН ҚҰЛ БОЛМАЙДЫ!" АТТЫ СЕМИНАР ӨТТІ

Алматы қаласындағы Туризм және қонақжайлылық индустрия колледжінде Алматы қаласы бойынша ҚАЖД  №11 мекемесі мамандарының қатысуымен “Заңға бағынған құл болмайды» атты семинар ұйымдастырылып, онда жасөспірімдер тарапынан  жасалатын құқық бұзушылықтар мен олардың арасында кездесетін девиантты мінез-құлықтың алдын-алу мәселелері талқыланды.

Дөңгелек үстел басына жиналған Туризм және қонақжайлылық индустрия колледжінің директоры Нұрдәулет Жабықбаев пен орынбасары    Асланбек Қорғанбекұлы, Алмалы ауданы ПБ Ювеналды полиция қызметкері Қолқанат Аяғанов,   педагог-психологтар Эльмира Сыдығалиева, Гүлнар Жұмабаева,    нарколог дәрігер Анна Трубникова және ата-аналар комитетінің өкілдері балалардың қылмыстық жауапкершілігі,   балаға зиян келтірмей қиын жағдайдан қалай шығу жолдары туралы мәселелерді талқылады.

Аталған семинарды ұйымдастырған  №11 мекеме бастығының кезекші көмекшісі әділет майоры Анар Мустафаев пен тәрбие бөлімінің қызметкері Еркегүл Жеңісхан  "Заң және тәртіп" қағидатын жүзеге асыруға үлес қосқан қатысушыларға мекеме бастығының алғысын жеткізді.