ТАНЫМАЛ ТЕОЛОГ НҰРЛАН ИМАМ ТЕРГЕУ ИЗОЛЯТОРЫНЫҢ ҚЫЗМЕТКЕРЛЕРІМЕН КЕЗДЕСТІ

ТАНЫМАЛ ТЕОЛОГ НҰРЛАН ИМАМ ТЕРГЕУ ИЗОЛЯТОРЫНЫҢ ҚЫЗМЕТКЕРЛЕРІМЕН КЕЗДЕСТІ

Танымал теолог, әлеуметтік желі арқылы жастардың ықыласына бөленген имам Нұрлан Байжігітұлы Алматы қаласындағы № 72 мекеменің жеке құрамымен кездесті.

Кездесу ашық-жарқын әңгіме, пікір алмасу жағдайында өтті. Нұрлан имам жастарға дінге қайшы әдеттерден аулақ болу жолдарын түсіндірді. Мысалы ойынқұмарлық, нашақорлық сияқты зиянды әдеттердің мұсылманшылыққа жат екенін атап өтті.

Кездесудің мақсаты – қызметкерлер арасында теріс діни ағымдардың алдын алу, ата-бабамыздан бері жалғасып келе жатқан ұлттық құндылықтарды насихаттау.

Кездесу барысында ҚАЖ қызметкерлері өздерін толғандырып жүрген көптеген сұрақтарға жауап алса, Нұрлан имам оларға адал қызмет атқаруды аманаттады.