Қала кітапхана өкілдері ҚАЖ мекемелеріне барып қайтты

Алматы қаласы Мәдениет басқармасының қолдауымен А.П.Чехов атындағы Орталық қалалық кітапхана өкілдері және Жамбыл атындағы қалалық жасөспірімдер кітапханасының мамандары 30-тамыз Қазақстан Республикасының Конституция күніне арналған «Ата заңым аялайды елімді!» атты мәдени іс шараларын өткізді.

№11 мекемеде кәмелетке толмаған жазасын өтеуші жасөспірімдер арасында Жамбыл атындағы қалалық жасөспірімдер кітапханасының көпшілік іс-шараларды ұйымдастыру бөлімінің қызметкерлері Сейсенбаев Санжар және Нұрханова Аидамен бірлесіп шара өткізілді.

Ал, А.П.Чехов атындағы Орталық қалалық кітапхана өкілдері №72 мекемесіне арнайы барып, кітап көрмесін ұйымдастырды.

Көрменің мақсаты - Қазақстан Республикасы Конституциясы туралы білімді насихаттау, азаматтардың құқықтық мәдениетін арттыру және мемлекеттік негіздерге деген құрметті қалыптастыру.

Мекеме қызметкерлері мен жазасын өтеушілер көрмеге белсенді қатысып, өз ойларымен бөлісті.

Мұндай шаралар — азаматтардың рухани-мәдени деңгейін көтеруге, ұлттық бірегейлікті нығайтуға бағытталған маңызды қадамдардың бірі.