Сырғанауға арналған жаңа төбешік, кинотеатрға жеңілдіктер және сауда үйлеріндегі жаппай сатылымдар — Жетісу ауданында Ескі Жаңа жылға арналған жоспарларымен бөлісті
Бұл туралы өңірлік коммуникациялар қызметі алаңында өткен онлайн-брифинг барысында сұрақтарға жауап беру кезінде Алматы қаласы Жетісу ауданының әкімі Гүлнар Көкебаева мәлімдеді.
Қала тұрғындарының Жаңа жылды қалай қарсы алғаны туралы айта келе, спикер ауданда бірнеше күнге жалғасқан ұзақ демалыс пен мереке күндерін ескере отырып, тұрғындар Жаңа жылды дұрыс атап өтулері үшін түрлі акциялар ұйымдастырылғанын атап өтті.
Қазір бұл жұмыс жалғасуда.
«Ескі Жаңа жыл қарсаңында барлық сауда үйлері жаппай сатылымдар мен жеңілдік шараларын өткізуде», — деді Г. Көкебаева, ол бұған маусымның аяқталуы да ықпал ететінін атап өтті.
Спикердің айтуынша, кәсіпкерлік субъектілері халықты ақпараттандыру үшін белсенді түрде хабарлауда.
«"Максима" СОО үлкен жаппай сатылым жүргізуде. Солтүстік айналма көшесі бойындағы сауда үйлері – бұл "Адем", "Алатау", барлық "Байсат" базарлары – жаппай сатылымды ұйымдастыруда. Сонымен қатар, "Максима" кинотеатры демалыс күндері, демалыстың соңғы күндерінде балалар үшін билеттердің бағасын төмендету акцияларын өткізуді жоспарлап отыр. Біз сырғанауға арналған төбешікті орнату керек деп шештік және оны шағын Құлагер ауданында орнаттық. Сенбі күні біз оны іске қосамыз деп ойлаймын, енді біздің ауданның балалары да шанамен, баллонмен сырғанай алады. Қазір бізде ондай төбешік жоқ, — деді Гүлнар Көкебаева. — Мұндай іс-шараларды біздің аудан тұрғындары оң қабылдайды деп ойлаймын».