Мемлекет басшысы Алматы қаласының әкімі Бауыржан Байбекті қабылдады

– Алматы еліміздің ең ірі және әсем қаласы болып қала бермек. Сол себепті әкімдік қалаға деген жанашырлығын көрсете отырып, шынайы ықыласпен жұмыс істеуі керек. Мен жолдардың, мектептер мен балабақшалардың жөнделіп, әлеуметтік инфрақұрылымның жақсара түскенін, сондай-ақ жаңа аудандардың пайда болғанын көріп отырмын. Бұл жұмысты тұрақты түрде жүргізу қажет, – деді Елбасы.

Кездесу соңында Қазақстан Президенті Алматы қаласын одан әрі өркендету жөнінде нақты тапсырмалар берді.