Мүмкіндігі шектеулі адамдардың қаржылық өнімдерге деген қажеттілігін анықтау үшін сауалнама іске қосылды  

Қаржылық сауаттылықты арттыру тұжырымдамасының іс-шараларын жүзеге асыру, Мүмкіндігі шектеулі адамдарға қаржылық қолжетімділікті және қаржылық қызметтердің сапасын арттыру жөніндегі жұмыс тобының қызметі және қаржылық инклюзияны арттыру шеңберінде ҚР Қаржы нарығын реттеу және дамыту агенттігі мүмкіндігі шектеулі адамдар үшін сауалнама әзірледі. 

Сауалнама мүмкіндігі шектеулі адамдар үшін ең көп сұранысқа ие қаржылық өнімдерді және оларды алу қиындықтарын анықтауға арналған.  Сауалнама ҚР Еңбек және халықты әлеуметтік қорғау министрлігінің белсенді қолдауы арқылы жүргізіледі. 

Сауалнамадан мына сілтеме бойынша өтуге болады:

https://docs.google.com/forms/d/e/1FAIpQLSf80n7DgABEWQQCPFazvtpVGVBuIu1rkcgyXVcKK8RsWTxakA/viewform

Сауалнама нәтижелері мүмкіндігі шектеулі адамдар үшін қаржылық инклюзияның және қаржылық өнімдердің сапасын арттыру үшін айтарлықтай ықпал ететін болады. 

Fingramota.kz барлық ниет білдірген адамдарды сауалнамадан өтіп, сондай-ақ жақындарыңыз бен таныстарыңыздың арасында сауалнама жүріп жатқандығы туралы ақпарат таратуды сұрайды.