Түске қарай СОО-ның егу пунктінде 55 қала тұрғынына коронавирусқа қарсы вакцина егілді

Бүгін Алматыда сауда-ойын-сауық орталықтары мен базарларда егу пункттері ашылды. Олар өз жұмыстарын сағат 10.00-де бастады, екпе салу жазба бойынша жүргізілді.

«Москва» ойын-сауық орталығы жұмыс істемесе де, егу пункті қызметін бастады. Күзет қызметіндегілер ғимаратқа тек вакцинацияға алдын ала жазылғандар мен шақырылғандарды кіргізеді, ол үшін қауіпсіздік қызметінің қызметкеріне ескерту жеткілікті.

«Москва» СОО егу пунктінің жауапты кезекшісі Гүлдана Төлешова атап өткендей, медицина қызметкерлері сағат 10.00-ден бастап, сағат 20.00-ге дейін алматылықтарға екпе жүргізуді жалғастырады. Дәрігерлер Алматы қаласының №16 емханасына тіркелген азаматтарға алдын ала қоңырау шалды, сондай-ақ E-Gov арқылы вакцинация алуға жазылғандар да бар. Төрт сағат ішінде дәрігерлер 50-ге жуық адамға екпе салды, вакциналау қарқынды жүруде., вакцинация қызу жүріп жатыр. Оның үстіне, екпе алуға тілек білдірушілер көп.

Коронавирустан екпе алған ең жас адамның жасы 18-де болса, жасы ең үлкені - 87 жастағы қарт әже.

«Егу пунктінде 2 терапевт дәрігер мен медбикелер жұмыс істейді, адам саны көп емес, бетперде режимі, әлеуметтік қашықтық сақталған, кезегін кұтушілер бір-бірінен алшақ отырғызылады. Барлығы алдын ала тіркеуден, содан кейін дәрігердің қарауынан өтеді, содан кейін қарсы көрсетілімдер болмаса, пациентті емшара кабинетіне жібереміз»,- деп түсіндірді алгоритмді Гүлдана Төлешова.

Айта кетсек, алматылықтар вакцинацияға саналы түрде барып, өз еріктерімен жазылып, емханаларда да, СОО базасында орналасқан пункттерге де келуде.

Екпе салдырғандардың арасында 72 жастағы зейнеткер, денсаулық сақтау саласының ардагері Наталья Михайлова да бар.

«Мен вакцинация арқылы ғана иммунитетті қалыптастырып, осы инфекцияны жеңе алатынымызды жақсы түсінемін. Бір кездері әлем обаны, шешекті жеңгендей. Егер бәрі вакцина алса, Құдай бұйырса коронавирусты жеңеміз», - деді Наталья Тихоновна.

Зейнеткердің жай-күйін тексергеннен кейін, процедуралық кабинетке шақырып, онда оған «Спутник» вакцинасымен екпе салынды. Әйелдің айтуынша, ол өзін жақсы сезінген, әсіресе, егу пунктіне келгендердің бәріне дұрыс ақпарат беріп, жете түсіндіретін медицина қызметкерлерінің жұмысын ерекше атап өтті. Ұсынымдар береді.

Еске сала кетсек, бүгін 20 СОО мен базарлардың базасында қалалық емханалардан егу пункттері жұмысын бастады. Алматы тұрғындарын вакцинацияға шақырады, E-Gov mobile мобильдік қосымшасы, сондай-ақ E-Gov электрондық үкімет платформасы арқылы жазылуға болады. Сонымен қатар, әдеттегідей, кез-келген медициналық мекемеге хабарласуға да болады.