Жұмыспен қамту орталығының мамандары халыққа "Бірінші жұмыс орны" жобасына қатысу шарттарын түсіндіреді

Жастар арасындағы жұмыссыздық мәселелерін шешу мемлекет пен кәсіпорындардың бірлескен күш-жігерімен шешіледі. Ол үшін елімізде Жұмыспен қамту бағдарламалары жүзеге асырылуда.

Ал енді Алматыда колледждер мен ЖОО түлектерінің жұмыс тәжірибесінсіз жұмысқа орналасу мүмкіндігі пайда болды. Мегаполисте жастар практикасынан басқа, "Еңбек" мемлекеттік бағдарламасы аясында жаңа бағыт іске асырылуда, атап айтқанда, "бірінші жұмыс орны"жобасы бойынша жұмысқа орналастыру.

Бағдарлама алғаш рет жұмыс іздеп жүрген колледждер мен жоғары оқу орындарының түлектеріне арналған. Артықшылығы көп балалы және аз қамтылған отбасы мүшелеріне, еңбекке қабілетті мүгедектерге берілетін болады.

Жұмыспен қамту орталығы жұмыс берушілерден өтінімдер қабылдайды.

Жұмыс беруші Халықты жұмыспен қамту орталығымен қызметкердің бірінші жұмыс жылы үшін 20 АЕК (58 340 теңге) мөлшерінде ай сайынғы еңбекақысын субсидиялай отырып, "Еңбек" бағдарламасына қатысушыны кемінде 24 ай тұрақты жұмысқа орналастыру туралы шарт жасасуға тиіс.

Жақында Алматы қаласы әкімдігінің халықты жұмыспен қамту орталығының маманы Гүлнара Қамбарова "Caspian Beverage Holding" компаниясының өкілдерімен, персоналды басқару бөлімінің директоры Е.Простомоловамен және менеджер г. Ниязовамен кездесті , Кездесу барысында орталық маманы "бірінші жұмыс орны"жобасын іске асыру бойынша түсіндіру жұмыстарын жүргізді.

ҚР 23.11.2015 жылғы Еңбек кодексінің 33-бабына сәйкес жұмыс беруші жұмыспен қамту орталығымен жасалған шарт негізінде Бағдарламаға қатысушыны кемінде 24 ай мерзімге тұрақты жұмысқа орналастырады, бұл ретте Жұмыспен қамту орталығы тиісті біліктілік санатының бірінші жұмыс жылы үшін жалақыны жұмыс тәжірибесіне талап етпей субсидиялайды, жергілікті бюджеттен айына субсидия мөлшері 20 АЕК-ті құрайды.

Сондай-ақ, "бірінші жұмыс орны" жобасы бойынша жастарды жұмысқа орналастыру мүмкіндіктері туралы Жұмыспен қамту орталығының маманы Гүлнар Қамбарова Алматы экономикалық колледжі директорының орынбасары Ж.Т. Дәулетбаеваға және студенттерге айтып берді.

"Бірінші жұмыс орны" жобасы жастардың еңбек нарығындағы бәсекеге қабілеттілігін арттырып, оларға қажетті еңбек дағдылары мен бірінші жұмыс орнына бейімделуін қамтамасыз етеді. Осылайша, жұмыс берушілерді еңбек тәжірибесі жоқ жастарды жұмысқа қабылдауға ынталандыратын болады. Жұмыс беруші Халықты жұмыспен қамту орталығымен ЖОО немесе колледж түлегін 24 айға жұмысқа орналастыру туралы шарт жасасады.

Жұмыспен қамту орталығы жұмыс берушілермен және жастармен түсіндіру жұмыстарын жүргізуді жалғастырады.