«Психоневрологиялық интернат үйлерінің тәрбиеленушілері арасында шағын футболдан SeniCup республикалық чемпионаты» әлеуметтік жобасы

Алматы қаласының әкімдігімен ынтымақтастық аясында «Психоневрологиялық интернат үйлерінің тәрбиеленушілері арасында шағын футболдан SeniCup республикалық чемпионаты» әлеуметтік жобасы 2017 жылдан бері жыл сайын өтіп келеді. Оның негізгі мақсаты - мүгедектердің проблемаларына қоғамның назарын аудару, психоневрологиялық интернат үйлерінде тұратын адамдардың өмірін жақсарту.
Сovid-19 коронавирустық инфекциясы мен әлемде қалыптасқан жағдайды ескере отырып, ағымдағы жылы SeniCup турнирін өткізу 2021 жылға ауыстырылған еді. Дегенмен, жоба онлайн режимде Instagram және Facebook әлеуметтік желілерінде іске асырылуда.
Регламентке сәйкес Instagram және Facebook әлеуметтік желілеріндегі seniclubkz парақшасында аптасына бір рет командалар үшін тапсырмалар берілді әрі командалар апта ішінде оны іске асырулары және орындағандары жөніндегі бейнекөрсетілімдерді әлеуметтік желілердегі командалар парақшаларында жариялаулары тиіс болатын.
Онлайн турнирге Алматы, Қарағанды, Қызылорда, Есік және Талғар қалаларынан 9 команда қатысты.
Турнир қорытындысы бойынша барлық командаларға Seni командасы мен "Ақсай" нан-тоқаш комбинаты" ЖШС-нің кубоктары мен естелік сыйлықтары табыс етілді.