Алматы қаласы мәслихатының VII сайланымының кезектен тыс VI сессиясының 2021 жылғы 31 мамырдағы № 49 «Алматы қаласының сәулеттік келбетін қалыптастыру және қала құрылысын жоспарлау қағидаларын бекіту туралы» шешіміне өзгерістер енгізу туралы Алматы қаласы мәслихаты шешімінің жобасын талқылау

Алматы қаласының Сәулет және қала құрылысы басқармасы электрондық үкімет порталында Алматы қаласы мәслихатының VII сайланымының кезектен тыс VI сессиясының 2021 жылғы 31 мамырдағы № 49 «Алматы қаласының сәулеттік келбетін қалыптастыру және қала құрылысын жоспарлау қағидаларын бекіту туралы» шешіміне өзгерістер енгізу туралы Алматы қаласы мәслихаты шешімінің жобасы жарияланғанын хабарлайды.

          Құжат Алматы қаласының сәулеттік келбетін қалыптастыру және қала құрылысын жоспарлау қағидаларын Қазақстан Республикасының Құрылыс кодексіне сәйкестендіру, Қағидалардың жекелеген ережелерін өзектендіру және сәулет, қала құрылысы және құрылыс қызметі саласындағы нормалардың біркелкі қолданылуын қамтамасыз ету мақсатында әзірленді.

          Шешім жобасында Қазақстан Республикасының Құрылыс кодексі мен «Алматы қаласының ерекше мәртебесі туралы» Қазақстан Республикасының Заңын ескере отырып, Қағидалардың құқықтық негізін нақтылау, «дизайн-код» ұғымын өзектендіру, қоғамдық талқылауларды өткізу тәртібін, сондай-ақ қаланың тарихи орталығы шегінде жұмыстар жүргізу тәртібін нақтылау көзделеді.

          Ұсынылып отырған өзгерістер:

          – Алматы қаласының сәулеттік келбетін қалыптастыру және қала құрылысын жоспарлау қағидаларын Қазақстан Республикасының Құрылыс кодексіне сәйкестендіруге;

          – «дизайн-код» ұғымын және қаланың үйлесімді әрі стилистикалық біртұтас сәулеттік келбетін қалыптастыруға бағытталған талаптарды нақтылауға;

          – қоғамдық талқылауларды жұртшылықтың пікірін ескере отырып, ашық және жария түрде өткізуді қамтамасыз етуге;

          – тарихи орталық шегінде реставрациялық және өзге де жұмыстарды жүргізу, сондай-ақ ғимараттарды қайта жабдықтау тәртібін нақтылауға;

          – нормативтік реттеуді өзектендіру мақсатында Қағидалардың 16 және 17-тармақтарын алып тастауға бағытталған.

          Аталған өзгерістерді қабылдау Алматы қаласының сәулеттік келбетін қалыптастыру және қала құрылысын жоспарлау қағидаларын өзектендіруге, олардың Қазақстан Республикасының Құрылыс кодексіне сәйкестігін және сәулет, қала құрылысы және құрылыс қызметі саласындағы талаптардың біркелкі қолданылуын қамтамасыз етуге мүмкіндік береді.

          Жобаны қабылдау теріс әлеуметтік-экономикалық және (немесе) құқықтық салдарға әкеп соқпайды.

          Жобаны  «Ашық НҚА» порталында талқылауға қатысуға шақырамыз:https://legalacts.egov.kz/npa/view?id=15901701