Коммуналдық инфрақұрылым және тұрғын үй инспекциясы басқармасының басшысы Шархан Тұрсынбаевтың баяндамасы

«Алматы Жастары» бағдарламасы бойынша

 Коммуналдық инфрақұрылым және тұрғын үй инспекциясы

 басқармасы басшысының баяндамасы

 

Құрметті, Мейіржан Батырбекұлы!

Құрметті Олжас Мұхтарұлы! Құрметті депутаттар!

Сіздердің назарларыңызға «Алматы жастары» бағдарламасы аясында жеңілдетілген тұрғын үй несиелері беру арқылы, қала жастарын тұрғын үймен қамтамасыз ету мәселесі ұсынылады.

Бағдарлама «AMANAT» партиясының Алматы қаласы бойынша 2023–2027 жылдар аралығындағы сайлау алды бағдарламасын іске асыру жөніндегі Жол картасының 22-тармағында, сондай-ақ ҚР Президентінің Алматы қаласының әлеуметтік-экономикалық дамуы бойынша тапсырмаларын іске асыру жөніндегі іс-шаралар жоспарында көзделген.

 

Алматы қаласы әкімдігі мен «Отбасы банк» АҚ арасында Бағдарлама аясында жыл сайын ынтымақтастық туралы келісімдер және несие шарттары жасалып отыр, бірақ бағдарлама Алматы қаласы мәслихатының шешімімен бекітілмеген.

 

Осы орайда, құрметті депутаттар!

«Қазақстан Республикасы жергілікті мемлекеттік басқару және өзін-өзі басқару туралы» Заңының 6-бабының 1-тармағының            1-тармақшасына сәйкес әлеуметтік бағдарламаларды бекіту мәслихаттың құзыретіне жататындықтан, «Алматы жастары» бағдарламасын Алматы қаласы мәслихатының шешімімен бекітуді, қолдауларыңызды сұраймыз!