Түрксіб ауданының 50-ден астам кәсіпкерлік субъектілеріне ҚР Тіл туралы заңнамасының талаптары түсіндірілді

Алматы қаласы әкімдігі Алматы қаласы Түрксіб ауданы бойынша қоғамдық тамақтандыру объектілерінде ҚР тіл туралы заңнамасы талаптарының сақталуы жөнінде ақпараттық-түсіндіру жұмыстарын өткізді.

Іс-шара барысында кәсіпкерлерге ҚР тiл туралы заңнамасының талаптары туралы ақпарат беріліп, “Әкімшілік құқық бұзушылық туралы” Қазақстан Республикасы Кодексінің және “Тұтынушылардың құқықтарын қорғау туралы” Қазақстан Республикасы Заңының баптары түсіндірілді. Сондай-ақ деректемелер мен көрнекі ақпараттарды орналастыруда және тұтынушыларға қызмет көрсету барысында тілдердің қолданылуы жөнінде түсіндіру жұмыстары жүргізіліп, әдістемелік көмек көрсетіліп, қойылған сұрақтарға жан-жақты жауап берілді.
Аталған ақпараттық-түсіндіру жұмыстарына Алматы қаласы әкімі аппараты тілдерді дамыту және ономастика бөлімінің мамандары, Түрксіб ауданы аппаратының тіл мен кәсіпкерлік салаларына жауапты қызметкерлері спикерлік етті.

Іс-шараға Түрксіб ауданы бойынша 50-ден аса кәсіпкерлік субъектілердің өкілдері шақырылды.
Алдағы уақытта мұндай ақпараттық-түсіндіру жұмыстарын қаланың басқа да аудандарында жүргізу жоспарлануда.