Алматы қаласы әкімінің орынбасары Асқар Әмриннің баяндамасы

 

Құрметті Мейіржан Батырбекұлы!

Құрметті Алматы қаласы мәслихатының депутаттары және қоғамдық кеңес мүшелері!

Бүгін біз Алматы қаласы мәслихатының кезектен тыс ХХVI сессиясын өткізудеміз. Осы мүмкіндікті пайдаланып, Сіздерді келе жатқан Жаңа жылмен құттықтаймын. Әрбір істер мен жаңа бастамаларыңызға сәттілік, отбасыңызға бақыт пен береке тілеймін!

Биыл бірлескен жұмыстың арқасында біз Мемлекет басшысының тапсырмаларына сәйкес қаламызды дамытуға және алматылықтардың өмір сүру деңгейін арттыруға бағытталған 117 актіні қабылдадық.

Бүгін қарауға қала құрылысы саласындағы нормативтік- құқықтық актілердің бірқатар жобалары шығарылады.

Қолданыстағы заңнама Дүниежүзілік банк «Doing Business» индексі бойынша рейтингін жақсарту кезеңінде қалыптасты. 2016 жылдан бастап бізде құрылыс нысандарын бақылаудың тиімді тетіктері болмады. Бұл көптеген заңсыз құрылыс жағдайларына әкелді.

Соңғы 3 жылда 717 ескерту беріліп, 69 нысан бұзылды. Бұл жағдайды, тау бөктеріндегі және сейсмикалық қауіпті аймақтардағы заңсыз тұрғын үй құрылыстары ушықтырды.

Осыған байланысты, күн тәртібіндегі негізгі мәселе Алматы қаласының аумағын салу Ережелерін бекіту.

Мегаполистің сейсмикалық қауіпті орналасуын ескере отырып, біз қатаң шектеулер мен құрылыс талаптарын енгіземіз.

Негізгі жаңашылдық - нүктелік құрылысқа, аула мен рекреациялық аумақтарда және 12 қабаттан жоғары құрылысқа тыйым салу.

Құрылыс салушының көп қабатты тұрғын үйді пайдалануға беру кезінде Жергілікті атқарушы орган (МИО) арқылы мүлік иелерінің бірлестігіне (ОСИ) барлық құжаттаманы беру регламенті бекітілген. Бұл мәселе қаланың барлық құрылыс салушыларына ортақ.

Осылайша, әзірлеген ережелер пайдалануға беруге дейін құрылыстың барлық тәртібін реттейтін болады.

Әрі қарай Қалалық жоспарлау және урбанистика басқармасының басшысы Нұрлан Ақабайұлы толығырақ айтып береді.

Күн тәртібіндегі екінші мәселе - құрылыс нысандарын тексеру Тәртібін бекіту.

Осы Қағидалардың негізі «Алматы қаласының ерекше мәртебесі туралы» ҚР Заңында көзделген, атап айтқанда, инспекциялау үшін құрылыс объектілерін Қала құрылысын бақылау басқармасының кедергісіз тексеру өкілеттігі.

Мегаполис орналасқан сейсмикалық аймақты ескере отырып, ережелер тек Алматы қаласының аумағында қолданылады және құрылыс объектілерінің сейсмикалық қауіпсіздігін қамтамасыз етуге бағытталады.

Инспекция барысында құрылыстың іргетасы мен негізгі конструкциялары сейсмикалық қауіпсіздікке тексерілетін болады.

Ереже туралы толығырақ Қала құрылысын бақылау басқармасының басшысы Данияр Батанұлы баяндайды.

Келесі мәселе - жаңа Қала құрылысы регламентін бекіту.

Регламент 2040 жылға дейін Алматы қаласының бұрын бекітілген Бас жоспарына сәйкес енгізіледі. Қолданыстағы ереже 2006 жылы бекітілген болатын.

Жаңа регламент 5 полицентр орталығының бір деңгейде дамуына бағытталған.

Регламент шеңберінде су қорғау, ерекше қорғалатын, аэрация және тиісті нормативтік талаптар белгіленген жерлерге, функционалдық аймақтардың нақты карталары әзірленді.

Аталған карталар қала аумағында және жекелеген аудандарда қала құрылысына шектеулер белгілейді.

Толығырақ          Қалалық жоспарлау және урбанистика басқармасының басшысы Нұрлан Ақабайұлы баяндайды.

Құрметті депутаттар!

Жобаларды талқылауда бірлескен жұмыс және сындарлы көзқарас үшін Сіздерге алғыс айтамын.

Бүгін қабылданған шешімдер қаламыздың тиімді және сапалы дамуына және алматылықтардың өмір сүру деңгейін арттыруға ықпал ететін болады.