Алматы қаласының 2024 жылғы қаңтар – наурыз айларындағы әлеуметтік-экономикалық даму қорытындылары

2024 жылғы қаңтар – наурызда экономиканың негізгі алты саласының (өнеркәсіп, сауда, көлік және қоймалау, ақпарат және байланыс, құрылыс, ауыл шаруашылығы) серпінін сипаттайтын қысқа мерзімді экономикалық индикатор 103,1% - ті құрады.

Өнеркәсіптің нақты көлем индексі 99,8% (513,7 млрд. теңге) құрады. Өңдеу өнеркәсібі машина жасауды (24,7% - ке өсім), металлургия өндірісін (23,7% - ке), химия өнеркәсібін (18,9% - ке), жиһазды (34,1% - ке) ұлғайту есебінен 2,4% - ке 392,6 млрд.теңгеге дейін өсті.

Құрылыс 3,5% - ке (93,9 млрд. теңге) өсті. 527,6 мың шаршы метр тұрғын үй пайдалануға берілді, бұл 18,3% - ке төмен. Төмендеу 2023 жылғы мамырда қабылданған Алматының 2040 жылға дейінгі Бас жоспарына және өткен жылдың 29 желтоқсанында бекітілген Егжей-тегжейлі жоспарлау жобаларына сәйкес қала құрылысының жаңа талаптарына байланысты.

Бөлшек тауар айналымының көлемі өткен жылдың қаңтар-ақпанымен салыстырғанда 5,6% - ке ұлғайып, 1 265,6 млрд. теңгені құрады. Көтерме тауар айналымы 0,4% - ке (3 453,1 млрд.теңге) өсті.

Көлік және қойма қызметтері 17,1% - ке, ақпарат пен байланыс 4,4% - ке өсті.

2024 жылғы қаңтар-наурызда қала экономикасына 11,4% өсіммен негізгі капиталға 280,5 млрд. теңге инвестиция тартылды. Жеке инвестициялардың өсуі 14,8%-ті құрады (262,8 млрд. тенге).

2024 жылғы ақпанда Алматыда жылдық инфляция 9,9%-тен, наурызда 9,7%-ке дейін баяулады. Азық – түлік емес тауарлар бағасының өсуінің ағымдағы жылғы ақпандағы 8,2% - тен 7,7% - ке дейін, азық-түлік тауарлары-9,1% - тен 9,0% - ке дейін баяулауы байқалады. Бұл ретте, ақылы қызметтер бағасының өсуі ағымдағы жылғы қаңтардағы 11,9% - тен 12,0% - ке дейін жеделдеді.

Мемлекеттік бюджетке 3,8% өсіммен 1 287,8 млрд.теңге салық және міндетті төлемдер, оның ішінде республикалық бюджетке 853,5 млрд. теңге, жергілікті бюджетке – 434,3 млрд. теңге түсті.