Өңірлік кадр резервтеріне іріктеу аясында жеке қасиеттерді бағалауға арналған тестілеудің аяқталуы туралы

2024 жылдың 5 мамырында облыстардың, республикалық маңызы бар қалалардың, астананың өңірлік кадр резервтеріне іріктеудің аясында жеке қасиеттерді бағалауға арналған тестілеу аяқталды.

Іріктеудің келесі кезеңі «Құзыреттерді бағалауға» жіберілген тұлғалардың тізімі жобаның onir.pkrezerv.gov.kz ресми сайтында қолжетімді.

Құзыреттерді бағалау Ассессмент-орталық әдісімен 2024 жылғы
13 мамырдан бастап жүзеге асырылатын болады. 

Ассессмент Астана қаласында Қазақстан Республикасы Президентінің жанындағы Мемлекеттік басқару академиясының базасында офлайн форматта өтетін болады.

Ол кандидаттардың мінез-құлық индикаторларының жиынтығы арқылы белгілі бір құзыреттерді (белсенділік, қызметті басқару, мәселелерді талдау және шешу, көшбасшылық, сенімділік) анықтауға және бағалауға бағытталған. Ассесмент топтық және жеке жаттығуларды қамтиды, олардың барысында кандидаттардың мінез-құлқын сертификатталған ассессорлар бақылайды. 

Ассессмент-орталықтан өтуге жазылу рәсімі «Жеке қасиеттерді бағалауға арналған тестілеу» блогынан өту туралы хабарлама алған сәттен бастап ашық болады. Кандидаттар ұсынылған нұсқаулардан рәсімнің күнін, уақытын және тілін таңдау керек. Тіркеу бірінші кезекте толтыру қағидаты бойынша жүзеге асырылатын болады.

Іріктеудің осы кезеңінің нәтижелері кандидаттардың жеке кабинеттерінде және жоба сайтында орналастырылатын болады.