Қала әкімі Ерболат Досаевтың Алмалы ауданының тұрғындарымен кездесуіндегі баяндамасы және презентациясы

Құрметті Алмалы ауданының тұрғындары!

Сіздерді биылғы алғашқы кездесуімізде көргеніме қуаныштымын.

2023 жылдың қорытындысы бойынша Алмалы ауданның әлеуметтік-экономикалық дамуының негізгі көрсеткіштері оң динамиканы көрсетіп отыр.

Инвестициялар көлемі 2,1 есеге 331 млрд теңгеге дейін өсті (НКИ – 213,4%), жұмыс істеп тұрған шағын және орта бизнес субъектілерінің саны 14,4%-ға өсті (2022 жылы – 50 465, 2023 жылы – 57 722), өнеркәсіп өндірісінің өсуі 200 млрд теңгеге дейін
3,0%-ды құрады (2022 жылы – 175,8 млрд. теңге). 12 мыңнан астам тұрақты жұмыс орны құрылды. Өкілеттіктерді орталықтандандыру аясында Алмалы ауданының бюджеті 3,6 есеге 5,5 млрд теңгеден 19,7 млрд теңгеге дейін ұлғайтылды (2024 жыл – 21,3 млрд теңге).

Сіздерді атқарылған жұмыстар мен ауданның одан әрі даму жоспарлары туралы хабардар еткім келеді.

БІРІНШІ.

Ең маңызды мәселелердің бірі  – инженерлік инженерлік инфрақұрылымды салу және қайта құру.

1. Тұрғындарды тұрақты электр жарығымен қамтамасыз ету үшін 2023 жылы 50 км электр беру желілері ауыстырылды, 27 трансформаторлық және тарату қосалқы станциялары (26 ТҚ және 1 ТС) жаңартылды.

Биыл 22,18 км электрмен жабдықтау желілері мен 18 трансформаторлық қосалқы станцияларды жаңарту жоспарланып отыр.

2. Өткен жылы 6,4 км сумен жабдықтау және су бұру желілері (6 көшедегі 3,6 км сумен жабдықтау желілері және 2,8 км кәріз желілері) қайта жаңартылды.

Төтенше жағдайлар желісі бойынша «Панорама» кешеніндегі және Әйтиев көшесі, 13 А мекенжайында кәріз және су құбырының сорғы станциялары қайта жаңартылды.

2024 жылы 34 көше бойынша 17,8 км сумен жабдықтау және су бұру желілерін (3,8 км сумен жабдықтау желілері және 14 км кәріз желілері) қайта құру және салу жоспарлануда

3. Сонымен қатар, 400 метр жылумен жабдықтау желілері (Байтұрсынов – Төле би – Наурызбай батыр – Бөгенбай батыр көшелері) қайта жаңартылып, 16 учаске бойынша жоспарлы жұмыстар жүргізілді.

2024 жылы жылумен жабдықтау желілерін 800 метрге (Түркебаев – Кавказская – Дүйсенов – Тұрғұт Озал көшелері) қайта жаңарту жоспарлануда және 18 учаске бойынша 3 км жылумен жабдықтау желілерін қайта жаңартуға Жобалау-сметалық құжаттама әзірленуде (мемлекеттік сараптама 2024 жылғы мамырда шығады).

4. Орталықсыздандыру аясында өткен жылдың ортасында ауданға көше жарығына қызмет көрсету функциясы берілді.

2023 жылғы тамыздан желтоқсанға дейін жөндеу бригадалары өтінімдерді пысықтау уақытын 4 есеге, 5 тәулікке дейін қысқарту бойынша жұмыс жүргізді. Ауданның 21 көшесінің бойында 4 470 шам жаңартылып, 25,7 км ескі кабель желілері ауыстырылды. 11 саябақта, гүлзарда және 410 аула аумағында жарық қалпына келтірілді.

2024 жылы 5 мыңнан астам шамды жаңғырту, 40 км. кабельдік желіні ауыстыру өтеді 31 көшелер және 3 көше бойында (Абай, Қарасай батыр, Абылай хан) тротуарлық жарықтандыруды орнату.

Мемлекет басшысының тапсырмасына сәйкес Алматыда көше жарығы келесі жылдың соңына дейін 100% қалпына келтіріледі.

ЕКІНШІ.

Жол инфрақұрылымын дамыту бойынша.

1. 2023 жылы ұзындығы 24,2 км 16 көшеге орташа жөндеу жүргізілді, сондай-ақ 6,1 км тротуарлар мен 7 км техникалық тротуарлар жайластырылды. Әйтеке би көшесін Байтұрсынов көшесінен Досмұхамедов көшесіне дейін ұзарту аяқталды. Сонымен қатар, ағымдағы жөндеумен 40 мың м2 жол қамтылды.
2. Ағымдағы жылы орташа жөндеумен жалпы ұзындығы 22,9 км болатын 44 көше, 5 км тротуар және 7,2 км техникалық тротуарларды жайластыру қамтылады. Сондай-ақ ағымдағы жөндеумен 40 мың м2 жол қамтылады.

ҮШІНШІ.

1. Ауданда қала бойынша оқушы орындарының тапшылығы ең төмен.

Халықтың өсуін ескере отырып, тапшылықты одан әрі төмендету үшін мектептер салу бойынша жоспарлы жұмыс іске асырылуда.

Мемлекет басшысының тапсырмасы бойынша «Жайлы мектеп» ұлттық жобасы аясында Алмалы ауданында өткен жылдың соңында Райымбек даңғылының Әуезов көшесімен қиылысында 1,5 мың орынға мектеп құрылысы басталды. 2024 жылдың соңында құрылыс-монтаж жұмыстарын аяқтау жоспарлануда.

Биыл 2-тоқсанда №16 мектепке 300 орынға арналған (сараптаманың шығуы - 2024 жылғы сәуір, ҚМЖ басталуы - 2024 жылғы 2 тоқсан, аяқталуы - 2025 жылғы 2-тоқсан) және №58 мектепке 576 орынға арналған (жеке сараптаманың қорытындысы бар, ҚМЖ басталуы - 2024 жылғы мамыр, аяқталуы  - 2025 жылғы желтоқсан) қосалқы жапсаржайлар салуды бастаймыз.

2023 жылғы қараша айынан бастап №136 мектеп-гимназияны күрделі жөндеу және сейсмикалық күшейту жұмыстары жүргізілуде, олар биыл қазан айында аяқталады.

Сондай-ақ биыл 3-тоқсанда №134 және №135 мектептердің ғимараттарын күрделі жөндеу және  сейсмикалық күшейтуді бастау жоспарлануда (сараптаманың шығуы - 2024 жылғы 2-тоқсан, ҚМЖ басталуы - 2024 жылғы 3-тоқсан, аяқталуы - 2025 жылғы 4-тоқсан).

2. 2. Мектепке дейінгі білім беру саласында ағымдағы жылы Мәуленов көшесіндегі ғимаратты сейсмикалық күшейте отырып күрделі жөндеу жоспарлануда, онда 145 орынға балабақша ашылады (ЖСҚ сараптамада, ҚМЖ басталуы - 2024 жылғы 2-тоқсан, аяқталуы - 2025 жылғы 2 тоқсан).

Сонымен қатар № 10 (сараптаманың шығуы - 2024 жылғы 2-тоқсан, ҚМЖ басталуы - 2024 жылғы 3-тоқсан, аяқталуы - 2025 жылғы 3-тоқсан), № 20 (сараптаманың шығуы - 2024 жылғы 1-тоқсан, ҚМЖ басталуы - 2024 жылғы                        2-тоқсан, аяқталуы - 2025 жылғы 1-тоқсан), № 43 (сараптаманың шығуы - 2024 жылғы 3-тоқсан, ҚМЖ басталуы - 2024 жылғы 4-тоқсан, аяқталуы - 2025 жылғы 4-тоқсан) балабақшаларда күрделі жөндеу жүргізілетін болады.

Сондай-ақ, Тастақ шағын ауданындағы Тілендиев көшесінде қолданыстағы ғимараттарды бұза отырып, 300 орынға балабақша салуды бастаймыз (сараптаманың шығуы - 2024 жылғы 1-тоқсан, ҚМЖ басталуы - 2024 жылғы тамыз, аяқталуы - 2025 жылғы желтоқсан).

ТӨРТІНШІ.

2023 жылғы сәуірден желтоқсанға дейін бағдарламаны іске асыруға Damubala.kz 1,2 млрд. теңге бөлінді, бұл 8 мыңнан астам баланы қамтуға мүмкіндік берді, оның ішінде 4 мыңнан астамы – спорттық және 3 мыңнан астамы – шығармашылық секциялар.

Осы бағдарламаның қажеттілігіне және балалар үшін пайдасына байланысты, биыл қаржыландыру көлемі 1,5 млрд теңгеге дейін ұлғайтылды.

БЕСІНШІ.

Ауданның денсаулық сақтау саласын дамыту бойынша.

Биыл Абай даңғылы – Масанчи көшесінің қиылысындағы ғимаратты Қалалық балаларды оңалту орталығына қайта жаңартуды (сараптаманың шығуы - 2024 жылғы 2-тоқсан, ҚМЖ басталуы - 2024 жылғы 3-тоқсан, аяқталуы - 2025 жылғы 2-тоқсан) және Әйтеке би көшесі бойынша 500 келушіге арналған жаңа емхана салуды (сараптаманың шығуы - 2024 жылғы 3-тоқсан, ҚМЖ басталуы - 2024 жылғы                   4-тоқсан, аяқталуы - 2025 жылғы 4-тоқсан) бастаймыз.

Қазіргі заманға сай жабдықталған  №1 перзентхананың жаңа корпусын салу жоспарлануда (сараптаманың шығуы - 2024 жылғы 3-тоқсан, ҚМЖ басталуы - 2024 жылғы  4-тоқсан, аяқталуы - 2025 жылдың соңы).

Сонымен қатар №3 емхана ғимаратын (ЖСҚ бар, ҚМЖ басталуы - 2024 жылғы 1-тоқсан, а.ж. желтоқсанда аяқталады) және Қалалық адам репродукциясы орталығы ғимаратын (ЖСҚ бар, ҚМЖ басталуы - 2024 жылғы 1-тоқсан, биыл шілдеде аяқталады) күрделі жөндеу жоспарланып отыр.

Психикалық дамуы тежелген балаларды сауықтырудың маңызды объектісі Райымбек даңғылы, 312 мекенжайы бойынша бассейні бар жаңа спорт орталығы болады, оның құрылысы 2024 жылғы 2-тоқсанда басталады (сараптаманың шығуы - 2024 жылғы 1-тоқсан, ҚМЖ басталуы - 2024 жылғы 2-тоқсан, аяқталуы - 2025 жылғы 3-тоқсан).

АЛТЫНШЫ.

Жайлы қалалық ортаны құру да біздің жұмысымыздың басты стратегиялық бағыттарының бірі болып табылады.

2023 жылы ауданды абаттандыру бойынша 25 жоба іске асырылды, оның ішінде 6 қоғамдық кеңістік                                     (К. Байсейітова көшесі, Ганди паркі, Сосновый сквері, Биокомбинат, АЗТМ және Райымбек даңғылы, Бекетов көшесі) және автоматты суару құрылысы бар 19 жасыл аймақ көгалдандырылды.

Жаңбыр жауған кезде су басатын учаскелер санын азайту үшін төтенше жағдайлар желісі бойынша 12 учаскені жою жұмыстары жүргізілді, 41,1 км арық желісін қайта құру және салу жұмыстары жалғасуда. Қазіргі уақытта жалпы ұзындығы 11,5 км болатын 31 учаске аяқталды, биыл жыл соңына дейін қалған 29,6 км аяқтау жоспарланып отыр.

Архитектуралық келбетін сақтау мақсатында КТК-нің     47 қасбетін жаңарту бойынша жұмыстар жүргізілді.

Тұрғындарға қолайлы жағдай жасау аясында 91 аула аумағын абаттандыру жұмыстары жүргізілді.

«Халық қатысатын бюджет» бағдарламасын іске асыру бойынша жұмыс жалғасуда. 2023 жылы бағдарлама аясында 1,6 млрд теңге сомаға 34 жоба іске асырылды.

52 жобаны іске асыру мақсатында 2024 жылы  қаржыландыру сомасы 2 млрд теңгеге дейін ұлғайтылды.

Сонымен қатар, жайлы қалалық орта құру аясында
3 алаңға жөндеу жұмыстары жүргізіледі (Мұқанов, Төле би - Масанчи көшесі, Төле би - Розыбакиев көшесі) жөндеу , Қашғар көшесі бойынша жаяу жүргіншілер аймағын құру, КЖО-ның 50 қасбетін жөндеу және 59 аула аумағын абаттандыру жоспарлануда.

Құрметті Алмалы ауданының тұрғындары!

Назарларыңызға рақмет!

Енді Сіздердің сұрақтарыңызға жауап беруге дайынмын.