«Алматы қаласында әлеуметтік маңызы бар азық-түлік тауарларына бағаларды тұрақтандыру тетіктерін іске асыру қағидаларын бекіту туралы» қаулы жобасы бойынша

2023 жылдың басынан бастап ҚР Ауыл шаруашылығы министрінің бұйрығымен әлеуметтік маңызы бар азық-түлік тауарларына бағаны тұрақтандыру тетіктерін іске асырудың үлгілік қағидаларына бірқатар өзгерістер мен толықтырулар енгізілді.

Осыған байланысты Алматы қаласы Кәсіпкерлік және инвестициялар басқармасы Алматы қаласында әлеуметтік маңызы бар азық-түлік тауарларының бағасын тұрақтандыру мақсатында «Алматы қаласында әлеуметтік маңызы бар азық-түлік тауарларының бағаларды тұрақтандыру тетіктерін іске асыру қағидаларын бекіту туралы» Алматы қаласы әкімдігі қаулысының жобасы әзірленді (бұдан әрі- ЖОБА) «Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі Қазақстан Республикасы Заңының 7-бабы 2-тармағының 17-10) тармақшасына және «Әлеуметтік маңызы бар азық-түлік тауарларына бағаларды тұрақтандыру тетіктерін іске асырудың үлгілік қағидаларына» сәйкес жүзеге асырылады.

Негізгі өзгерістердің бірі ауыл шаруашылығы тауарын өндірушілер мен қайта өңдеу кәсіпорындарын қаржыландыруға бюджет қаражатының кемінде 70% бөлу болып табылады. Қалған 30% азық-түлік тауарларын бөлшек саудада сатушыларға (ҚР Ауыл шаруашылығы министрінің № 201 бұйрығы 2023 жылғы 24 мамыр).

Соңғы толықтырулар 2023 жылғы тамызда енгізілді (ҚР Ауыл шаруашылығы министрінің 2023 жылғы 16 тамыздағы № 305 Бұйрығы), өткен жылдың қыркүйегінде күшіне енді.