Алматы қаласында инженерлік коммуникацияларды күтіп-ұстау ережесі әзірленді

Алматы қаласы энергетика және сумен жабдықтау басқармасымен қолданыстағы заңнама нормаларына сәйкес Алматы қаласында инженерлік коммуникацияларды күтіп-ұстау ережесін қайта өңдеді.

Ереже Қазақстан Республикасының «Қазақстан Республикасындағы жергiлiктi мемлекеттiк басқару және өзiн-өзi басқару туралы», «Қазақстан Республикасындағы сәулет, қала құрылысы және құрылыс қызметі туралы» заңдарына сәйкес келеді.

Ереженің жобасы «Ашық НҚА» порталында орналастырылған және 23.01.2024 жылға дейін қаралатын болады. Барлық мүдделі азаматтар жобаны талқылауға келесі сілтеме бойынша қатыса алады:  https://legalacts.egov.kz/npa/view?id=14887989 

«Құқықтық актілер туралы» Қазақстан Республикасының Заңына сәйкес қайта өңделген ережені бекіту процесі Сыбайлас жемқорлыққа қарсы ғылыми сараптаманың қорытындысын алуды, сондай-ақ Алматы қаласының өңірлік кәсіпкерлер палатасымен және Алматы қаласының қоғамдық кеңесімен келісуді жүргізуді көздейді.