Алматы қаласының 2023 жылғы қаңтар – қараша айларындағы әлеуметтік-экономикалық даму қорытындылары

2023 жылдың қаңтар – қараша айларының қорытындысы бойынша Алматы қаласында әлеуметтік-экономикалық даму көрсеткіштерінің жоғары өсу қарқыны байқалады.

Экономиканың негізгі алты саласының (өнеркәсіп, сауда, көлік және қоймалау, ақпараттық-коммуникациялық қызметтер, құрылыс, ауыл шаруашылығы) серпінін сипаттайтын қысқа мерзімді экономикалық индикатор 113% – ті құрады.

Өнеркәсіп өнімін өндіру көлемі 16,8% өсіммен 1 817,3 млрд. теңгеге дейін көбейді. Өңдеу өнеркәсібі 17,7% – ке немесе 1 570,3 млрд. теңгеге дейін өсті.

Құрылыс 2,8%-ға (499,7 млрд. теңге) өсті. 2 087,4 мың шаршы метр тұрғын үй 30,9% өсіммен пайдалануға берілді.

Бөлшек тауар айналымының көлемі өткен жылдың сәйкес кезеңімен салыстырғанда 7,9% – ке өсіп, 5 463,9 млрд. теңгені құрады. Көтерме сауда тауар айналымы 17,6% өсіммен 13 960,4 млрд.теңгені құрады.

Көлік және қоймалау қызметтері 7,3% – ке, ақпарат және байланыс қызметтері 2,8% – ке ұлғайды.

Ағымдағы  жылдың 11 айдың қорытындысы бойынша  қала экономикасына 19,9% өсіммен негізгі капиталға 1 533,2 млрд. теңге инвестиция тартылды. Сонымен қатар, жеке инвестициялар 2022 жылғы тиісті кезеңмен салыстырғанда 30,3%  –  ке өсті.

2023 жылдың қарашасында Алматыда жылдық инфляция ағымдағы жылдың қазан айындағы 11,1% – тен 10,5% – ке дейін (ҚР – 10,8% - дан 10,3% - ға дейін) азық-түлік тауарларына бағаның өсу қарқынын 9,2% - ке дейін (ҚР-9,2%) және азық-түлік емес тауарларға 10,8% -ке дейін (ҚР-9,9%) төмендету есебінен баяулады.

Мемлекеттік бюджетке 34,4% өсіммен, 4 886,5 млрд. теңге салықтар және басқа да міндетті төлемдер, оның ішінде республикалық бюджетке – 3 571,5 млрд. теңге, жергілікті бюджетке – 1 315 млрд. теңге түсті.

Сыртқы сауда айналымы (ЕАЭО елдерін қоспағанда) 2023 жылдың қаңтар – қазан айларында 27,3%-ке өсіп, $20 705,3 млн. құрады. Бұл ретте экспорт  20,4% – ке ұлғайып, $ 3 762 млн. құрады. Импорт $16 943,3 млн. құрап, 28,3% – ке өсті.

2023 жылы Алматы қаласының экономикасы дамуының оң үрдістері жалғасады деп күтілуде.

Жалпы, Алматы қаласы экономикасының дамуының оң үрдісі 2023 жылы да жалғасады деп күтілуде.