Алматы қаласының 2023 жылғы қаңтар-қазан айларындағы әлеуметтік-экономикалық даму қорытындылары

2023 жылдың қаңтар – қазан айларының қорытындысы бойынша Алматы қаласында әлеуметтік-экономикалық даму көрсеткіштерінің жоғары өсу қарқыны байқалады.

Экономиканың негізгі алты саласының (өнеркәсіп, сауда, көлік және қоймалау, ақпараттық-коммуникациялық қызметтер, құрылыс, ауыл шаруашылығы) серпінін сипаттайтын қысқа мерзімді экономикалық индикатор 113,1% – ті құрады.

Өнеркәсіп өнімін өндіру көлемі 18,9% өсіммен 1 639,9 млрд. теңгеге дейін көбейді. Өңдеу өнеркәсібі 18,6% – ке немесе 1 419,3 млрд. теңгеге дейін өсті.

Құрылыс 1,9%-ға (451 млрд. теңге) өсті. 1 860,6 мың шаршы метр тұрғын үй 19,9% өсіммен пайдалануға берілді.

Бөлшек тауар айналымының көлемі өткен жылдың сәйкес кезеңімен салыстырғанда 7,1% – ке өсіп, 4 772,6 млрд. теңгені құрады. Көтерме сауда тауар айналымы 17,2% өсіммен 12 263,6 млрд.теңгені құрады.

Көлік және қоймалау қызметтері 8%-ке, ақпарат және байланыс қызметтері 3,1% – ке ұлғайды.

Ағымдағы  жылдың 10 айдың қорытындысы бойынша  қала экономикасына 4,2% өсіммен негізгі капиталға 1 200,5 млрд. теңге инвестиция тартылды. Сонымен қатар, жеке инвестициялар 2022 жылғы тиісті кезеңмен салыстырғанда 10,9%  –  ке өсті.

2023 жылғы қазанда Алматыда жылдық инфляция азық – түлік тауарлары мен ақылы қызметтер бағасының өсу қарқынын 11,1% - ке дейін төмендету есебінен ағымдағы жылғы қыркүйектегі 12,4% - тен (ҚР-11,8% - тен 10,8% -ке дейін) 10,5% - ке дейін, ақылы қызметтер – 9,5%-ке дейін (ҚР–11,0%) баяулады. Бұл ретте азық – түлік емес тауарларға бағаның өсуі 12,9% -ті (ҚР-11,1%) құрады.

Мемлекеттік бюджетке 4 262,0 млрд. теңге салықтар және басқа да міндетті төлемдер түсіп, 36,7% – ке өсті, оның ішінде республикалық бюджетке – 3 070,6 млрд. теңге, жергілікті бюджетке – 1 191,4 млрд. теңге түсті.

Сыртқы сауда айналымы (ЕАЭО елдерін қоспағанда) 2023 жылдың қаңтар – қыркүйек айларында 29,9%-ке өсіп, $18 606,5 млн. құрады. Бұл ретте экспорт  21,8% – ке ұлғайып, $ 3447,8 млн. құрады. Импорт $15 158,7 млн. құрап, 31,8% – ке өсті.

2023 жылы Алматы қаласының экономикасы дамуының оң үрдістері жалғасады деп күтілуде.

Жалпы, Алматы қаласы экономикасының дамуының оң үрдісі 2023 жылы да жалғасады деп күтілуде.