Алматы қаласының 2023 жылғы қаңтар-қыркүйек айларындағы әлеуметтік-экономикалық даму қорытындылары

2023 жылдың қаңтар – қыркүйек айларының қорытындысы бойынша Алматы қаласында әлеуметтік-экономикалық даму көрсеткіштерінің жоғары өсу қарқыны байқалады.

Экономиканың негізгі алты саласының (өнеркәсіп, сауда, көлік және логистика, ақпараттық-коммуникациялық қызметтер, құрылыс, ауыл шаруашылығы) серпінін сипаттайтын қысқа мерзімді экономикалық индикатор 113,5% – ды құрады.

Өнеркәсіп өнімін өндіру көлемі 2022 жылдың тиісті кезеңімен салыстырғанда 21,1% – ға немесе 1 464,4 млрд. теңгеге дейін өсті. Бұл ретте өңдеу өнеркәсібі 21% – ға немесе 1 264,3 млрд. теңгеге дейін өсті.

Құрылыс 0,3%-ға өсті, орындалған құрылыс жұмыстарының көлемі 389,7 млрд. теңгені құрады. 2023 жылдың қаңтар – қыркүйек айларында 1 620,3 мың шаршы метр тұрғын үй пайдалануға беріліп, өткен жылдың сәйкес кезеңімен салыстырғанда 7,2% – ға өсті.

Бөлшек тауар айналымының көлемі өткен жылдың сәйкес кезеңімен салыстырғанда 6,5% – ға өсіп, 4 195,0 млрд. теңгені құрады. Көтерме сауда тауар айналымы 17,4% өсіммен 10 713,8 млрд.теңгені құрады. Көлік және қоймалау қызметтері – 9,5%-ға, ақпарат және байланыс қызметтері 3,3% – ға ұлғайды.

Қаңтар – қыркүйек айларында қала экономикасына 1,5% өсіммен негізгі капиталға 1 029,2 млрд. теңге инвестиция тартылды. Сонымен қатар, жеке инвестициялар 2022 жылғы тиісті кезеңмен салыстырғанда 7,3%  –  ға өсті.

2023 жылғы қыркүйекте Алматыда жылдық инфляция азық – түлік тауарлары мен ақылы қызметтер бағасының өсу қарқынын 11,3% - ке дейін төмендету есебінен ағымдағы жылғы тамыздағы 13,7% - тен (ҚР-13,1% - тен 11,8% -ке дейін) 12,4% - ке дейін баяулады. Бұл ретте азық – түлік емес тауарларға бағаның өсуі 14,4% -ті (ҚР-12,1%) құрады.

Мемлекеттік бюджетке 3 913,8 млрд. теңге салықтар және басқа да міндетті төлемдер түсіп, 38,4% – ға өсті, оның ішінде республикалық бюджетке – 2 823,9 млрд. теңге, жергілікті бюджетке – 1 089,9 млрд. теңге түсті.

Сыртқы сауда айналымы (ЕАЭО елдерін қоспағанда) 2023 жылдың қаңтар – тамыз айларында 33,4%-ға өсіп, $16 586,5 млн. құрады. Бұл ретте экспорт  24,5% – ға ұлғайып, $3 024,2 млн. құрады. Импорт $13 562,3 млн. құрап, 35,5% – ға өсті.

2023 жылы Алматы қаласының экономикасы дамуының оң үрдістері жалғасады деп күтілуде.

Жалпы, Алматы қаласы экономикасының дамуының оң үрдісі 2023 жылы да жалғасады деп күтілуде.