Алматы қаласының 2023 жылғы қаңтар-ақпан айларындағы әлеуметтік-экономикалық даму қорытындылары

2023 жылдың қаңтар-ақпан айларының қорытындысы бойынша Алматы қаласында әлеуметтік-экономикалық даму көрсеткіштерінің жоғары өсу қарқыны байқалады.

Экономиканың негізгі алты саласының (өнеркәсіп, сауда, көлік және логистика, ақпараттық-коммуникациялық қызметтер, құрылыс, ауыл шаруашылығы) серпінін сипаттайтын қысқа мерзімді экономикалық индикатор 126,4%-ды құрады.

Өнеркәсіп өнімінің өндіріс көлемі 323,4 млрд.теңгені құрады. Нақты көлем индексі-2022 жылдың сәйкес мерзіміне 123,9%-ды құрады. Бұл ретте өңдеу өнеркәсібі 24,1%-ға өсті.

Құрылыс 2,7%-ға ұлғайды, орындалған құрылыс жұмыстарының көлемі 20,9 млрд. теңгені құрады. 2023 жылдың қаңтар-ақпан айларында 423,4 мың шаршы метр тұрғын үй пайдалануға берілді.

Бөлшек тауар айналымының көлемі өткен жылдың сәйкес кезеңімен салыстырғанда 34,2% - ға өсіп, 674 млрд. теңгені құрады. Көтерме сауда тауар айналымы 37% өсіммен 2 202,7 млрд.теңгені құрады. Көлік және қоймалау қызметтері – 8,5%-ға, ақпарат және байланыс қызметтері-7,7% - ға ұлғайды.

Негізгі капиталға салынған инвестициялар көлемі 6,9% өсіммен 148,7 млрд.теңгені құрады. Инвестициялардың өсуі кәсіпорындардың меншікті қаражатының 27,4%-ға (125 млрд.теңге) өсуінен қолдау тапты.

Инфляция жыл басынан 2,1%–ды құрады, оның ішінде азық – түлік тауарларының бағасы 2,8%-ды, азық-түлік емес тауарлар бойынша-1,7% -ды, ақылы қызметтер бойынша – 1,8%-ға өсті.

Мемлекеттік бюджетке 882,6 млрд. теңге салықтар және басқа да міндетті төлемдер түсіп, 37,1%-ға өсті, оның ішінде республикалық бюджетке – 698,5 млрд. теңге (42,3% өсті), жергілікті бюджетке – 184,1 млрд. теңге (18,6% өсті) түсті.

Сыртқы сауда айналымы (ЕАЭО елдерін қоспағанда) 2023 жылдың қаңтар айында 2,1 есеге өсіп, 1 978,9 $млн. құрады. Бұл ретте экспорт  1,9 есеге ұлғайып, 4 446,4 $млн құрады. Импорт 1 532,5 $млн. құрап, 2,2 есеге өсті.

Жалпы, Алматы қаласы экономикасының дамуының оң үрдісі  2023 жылы да жалғасады деп күтілуде.