Алматы қаласының әкімі Е. А. Досаевтың Наурызбай ауданының тұрғындарымен кездесуінде сөйлеген сөзі

Құрметті Наурызбай ауданының тұрғындары!

Сіздерді көргеніме қуаныштымын!

Біздің кездесулеріміз аудан тұрғындарының өмір сүру сапасын жақсарту бойынша оң нәтиже беруде. Бүгінгі таңда Сіздер көтерген мәселелердің 80%-тен астамы (122 мәселенің 102-і орындалды) шешілді.

Сіздердің өтініш-тілектеріңізді ескере отырып, қала әкімдігі қызметінің нәтижелері туралы толығырақ айтып өтейін.

БІРІНШІ. Сумен және канализациямен қамтамасыз ету

Бүгінде Наурызбай ауданы үшін сапалы ауыз сумен қамтамасыз ету ең өзекті мәселе болып қалуда.

Бұл проблеманы шешу үшін, Өздеріңіз білетіндей, қазіргі уақытта 2 су жинау құрылғысы, 104,2 км инженерлік желілер қарқынды салынып жатыр, сондай-ақ насос станциялары бар қосымша магистралды су құбырын жобалау басталды.

Анықтама үшін: 5 шағын ауданда (Жайлау, Қарғалы, Құрамыс, Тастыбұлақ, Таужолы) ұзындығы 195 км (50%-де 50%) су құбыры мен канализация желілері салынды.

1. Қарғалы су жинағышы бойынша жұмыстар 92% аяқталды, оны 2023 жылдың көктемінде аяқтау жоспарланған. Су жинағыштың өзін 2023 жылдың маусым айында пайдалануға береміз. Объектіні іске қосу өндірістік қуатты тәулігіне 15 мың текше метрге дейін 2 есе арттыруға мүмкіндік береді. Нәтижесінде Қарағайлы, Құрамыс және Таусамалы шағын аудандарына үздіксіз сапалы су берілетін болады.

Ақсай су жинағышы бойынша жер қазу жұмыстары жүріп жатыр. Бұл объектіні 2025 жылдың III-ші тоқсанында пайдалануға беру жоспарланған және 100 мың тұрғынымызды ауыз сумен қамтамасыз етуге мүмкіндік береді.

Ақжар су жинағышы іске қосылғанға дейін Ақжар шағын ауданының тұрғындарын баламалы түрде сумен қамтамасыз ету үшін Qazaq Stroy осы жылдың қыркүйек айында жаңа магистралды су құбырын жобалауға кірісті. Оны 2023 жылдың маусым айының соңына дейін салып бітіруді жоспарлап отыр. Бұл 35 мың адамды сумен қамтамасыз етеді. 

2. Таусамалы, Шұғыла микро аудандарында және Ақжар шағын ауданының 20 көшесіне жоспарланған 104,2 км желінің 79,6 км (53,1 км су құбыры және 26,5 км канализация) салынды. Қалған 24,6 км 2023 жылдың маусым айына дейін аяқталады.

Сондай-ақ Қарағайлы, Тастыбұлақ шағын аудандары және Ақжар микро ауданының қалған 30 көшесі бойынша 267 км желі (135 км су құбыры және 132 км канализация) салу үшін жобалау-сметалық құжаттаманы әзірлеу жұмыстары аяқталып келеді.

Биылғы қараша айында Ақжар және Қарағайлы шағын аудандары бойынша жобалау-сметалық құжаттама мемлекеттік сараптамаға жіберіледі. Сараптаманың оң қорытындысы алынғаннан және конкурстық рәсімдер өткізілгеннен кейін құрылысты 2023 жылдың II-ші тоқсанында бастау жоспарланған.

Тастыбұлақ бойынша жобалау-сметалық құжаттама 2023 жылдың наурыз айында сараптамаға жіберіледі.

3. Магистралды су құбырындағы тұрақты авариялардың салдарынан Шұғыла шағын ауданындағы «Нұрлы дала» кешені тұрғындарының сумен тұрақты қамтамасыз етілмеуі жеке проблема болып отыр.

Бұл проблеманың тамыры тереңде жатыр. 2019 жылы мердігер ұйым «Алматы ИнжСтрой» жаңа су құбыр желілерін жүргізу кезінде болат құбырларды диаметрі
600 миллиметр (ұзындығы 5 км) шыны-пластик құбырға ауыстырған, оларды пайдалану кезінде авариялар жиі орын алды.

2019 жылдан бастап осы учаскеде 28 авария тіркелген (биыл 15 авария).

Аталған проблеманы шешу үшін Алматы қаласының әкімдігі уақытша су құбырын жүргізу туралы шешім қабылдады.

Бұл ретте, менің тапсырмаммен 19-шы қазанда мердігер ұйым Qazaq Stroy «Нұрлы дала» тұрғын үй кешенін тұрақты  сумен жабдықтау үшін ұзындығы 400 метр (100 метрі салынып қойды),  диаметрі 325 миллиметр уақытша су құбырын жүргізуге кірісті. Жұмыстарды осы қараша айының соңына дейін аяқтауды жоспарлап отырмыз.

Бұл мақсатқа Алматы қаласы әкімдігінің резервінен
102 млн. теңге бөлінді.

Сондай-ақ, мердігер ұйым «Алматы ИнжСтройға» қатысты тиісті материалдар қылмыстық іс қозғау үшін заң қорғау органдарына берілді.

ЕКІНШІ. Электр желілерін салу және модернизациялау

Ауданды тұрақты электрмен қамту үшін мынадай шаралар қабылдануда.

1. Сіздердің өтініштеріңіз бойынша «Премьера» тұрғын үй кешені мен «Елисейские поля» коттедж қалашығының 3,4 км электр желісі мен 10 трансформаторлық подстанциясы қыркүйек айында «Алатау Жарық Компаниясы» акционерлік қоғам балансына берілді. 2 426 абонентке жеке шоттар ашылды. Бұл тұрғындарға нақты пайдаланған электр энергиясы үшін қалалық тарифпен (1 кВт үшін 20,7 теңге) төлеуге мүмкіндік береді.
2. 79 трансформаторлық подстанцияға күрделі және ағымдағы жөндеу жүргізіліп, 3,8 км электр желісі реконструкцияланды.
3. Ақжар, Қарағайлы, Қарағайлы, Тастыбұлақ, Шұғыла шағын аудандарындағы 48 көшеге және магистралды көшелердегі 83 жаяу жүргіншілер өткеліне жарық орнатылды.

Наурызбай ауданындағы (Қарағайлы, Рахат, Тастыбұлақ және Шұғыла микро аудандары) қалған 59 көшені жарықтандыру жұмысын 2023 жылы аяқтауды жоспарлап отырмыз.

ҮШІНШІ. Жол инфрақұрылымы мен қоғамдық көлікті дамыту

1. Жыл басынан бері Ақжар шағын ауданында бұрын-соңды асфальт болмаған ұзындығы 13 км болатын 27 көшеге асфальт төселуде. Бүгінгі таңда ұзындығы 6,7 км болатын 19 көше асфальтталды. Қараша айының соңына дейін тағы 8 көшеде жұмыстар аяқталады.

Анықтама үшін: Ақжар шағын ауданында жалпы ұзындығы 45 км болатын 89 көшеге жаңадан жол салу жоспарланған.

2. Сондай-ақ ұзындығы 23 км 30 көшеде орташа жөндеу жұмыстары аяқталды. Қараша айының соңына дейін ұзындығы
   7 км тағы 8 көше жөнделеді.
3. «Алма Сити-5» тұрғындарының өтініштерін ескере отырып, әкімдік Алатау даңғылындағы магистралды жол арқылы тұрғын үйге оңай жету үшін 86 соттық жер сатып алып, жол салды.

Осы учаскеде жаңа №44 автобус іске қосылды.

Сондай-ақ, биылғы қараша айының соңына дейін Төле би көшесінің Алатау даңғылынан Жүнісов көшесіне дейінгі бөлігін салып аяқтаймыз.

Анықтама үшін: Яссауи көшесінен қала шекарасына дейін 270 жер учаскесі алып қоюға жатады, оның 59-ы сатып алынды және 93-і бойынша жұмыс жүріп жатыр.

4. Тұрғындарға қызмет көрсету сапасы мен жайлылығын арттыру мақсатында 8 маршрут ұзартылып, жаңартылды, сондай-ақ Қалқаман, Қарағайлы, Шұғыла және Абай саяжайлары микро аудандарында 12 остановка кешені орнатылды.

Анықтама үшін: №31 және №67 Карьерная көшесімен Барлық базарынан Абай саяжайларына дейін, №110 Момышұлы метро станциясын қамти отырып, № 78 Алатау, Абай даңғылдары бойымен және № 44 Алатау даңғылымен «Алма Сити-5» кешеніне дейін.

5. Жаяу жүргіншілер қауіпсіздігін қамтамасыз ету үшін Шаляпин мен Сәбденов көшелерінде 2 реттелетін светофор объектісі және жалпы ауданда 86 жол белгісі орнатылды.

 

ТӨРТІНШІ. Әлеуметтік инфрақұрылыммен қамтамасыз ету

Білім беру

Ауданда оқушы орындарының тапшылығын азайту мақсатында биыл мынадай жұмыстар жасалып жатыр.

1. Жаңа оқу жылына 2 мектеп, оның ішінде: Қалқаман шағын ауданында 1 800 орындық және Қарғалы шағын ауданында 600 орындық жеке меншік мектеп ашылды.

Жыл соңына дейін тағы 2 мектеп ашылады. Атап айтқанда, қараша айында Қалқаман микро ауданында 1 500 орындық және желтоқсанда «Алма Сити – 5» аумағында 1 200 орындық мектеп (сатып алу процедуралары жүріп жатыр).

Сонымен қатар Шұғыла шағын ауданында Qazaq Stroy компаниясы «Әлем Сити» (дайындығы - 60%) және «Алма Сити – 4» (10%) аумағында 2 400 орындық 2 мектеп салып жатыр. Құрылыс 2023 жылдың III-ші тоқсанында аяқталады.

 

Жыл соңына дейін Шұғыла шағын ауданында № 174 мектепке 375 орындық қосымша құрылыстың жобалау-сметалық құжаттамасы аяқталып, мемлекеттік сараптамаға жіберілетін болады. Сараптама қорытындысы шығып, конкурстық процедуралар аяқталғаннан кейін 2023 жылдың II-ші тоқсанында құрылысын бастау жоспарлануда.

Құрамыс шағын ауданындағы 1 500 орындық және Шұғыла шағын ауданындағы 2 000 орындық 2 мектептің жобалау-сметалық құжаттамасы әзірленіп, 2023 жылдың I-ші тоқсанында мемлекеттік сараптамаға жіберіледі. Құрылысы 2023 жылдың III-ші тоқсанында басталады.

Сондай-ақ Шұғыла шағын ауданындағы ескі №15 мектеп-интернат және «Нұрлы дала» тұрғын үй кешенінің аумағындағы 2 мектептің жобалау-сметалық құжаттамасын әзірлеуге конкурс жариялау үшін құжаттама дайындалуда.

2. Осы жылдың басынан бастап балабақшадағы орын тапшылығын азайту мақсатында 700 орындық 12 жеке меншік балабақша ашылды.

Сондай-ақ Шұғыла шағын ауданында 320 орындық жаңа балабақша құрылысы басталды. 2023 жылдың шілде айында  аяқталады.

Жаңа жобаларды әзірлеу жалғасуда.

«Нұрлы Дала» тұрғын үй кешенінің аумағында 320 орындық балабақшаның жобалау-сметалық құжаттамасының құнына қатысты ескертулерді назарға ала отырып, 2023 жылғы ақпанда мемлекеттік сараптамаға қайта жіберіледі (2023 жылғы сәуір, құрылыс-монтаждау жұмыстары – 2023 жылдың III-ші тоқсанында басталады).

Сонымен қатар Құрамыс шағын ауданындағы 320 орындық,  Шұғыла шағын ауданындағы 320 орындық және Қалқаман шағын ауданындағы 240 орындық 3 балабақшаның жобалау-сметалық құжаттамасы әзірленуде (мемлекеттік сараптама – 2023 жылдың III-ші тоқсаны, құрылыс-монтаждау жұмыстары – IV-ші тоқсанда басталады).

3) Тұрғындардың өтініші бойынша балаларды қосымша оқытумен қамту үшін Шұғыла микро ауданында апта сайын 5 мыңнан астам бала қатыса алатын көпсалалы инновациялық шығармашылық орталықтың (Оқушылар сарайының) құрылысы қарқынды жүріп жатыр. Объектіні 2023 жылдың II-ші тоқсанында ашу жоспарланған (50%).

 

Денсаулық сақтау

Ауданда, әсіресе жоғарғы бөлігінде емханалардың жетіспеу мәселесі өзекті болып тұр. Аудан халқының жыл сайын 10-12 мың адамға өсетінін ескере отырып, қала әкімдігі
2 жаңа емхана (500 келушіге арналған)  және 1 отбасы-дәрігерлік амбулатория (200 келушіге арналған) салуды жоспарлауда.

1. Бүгінгі күні Құрамыс шағын ауданында 500 келушіге арналған емхананың жобалау-сметалық құжаттамасы әзірленді, 2023 жылдың қаңтарында мемлекеттік сараптаманың оң қорытындысын алу, 2023 жылдың II-ші тоқсанында құрылыс-монтаждау жұмыстарын бастау жоспарланған.

Шұғыла микро ауданында 500 келушіге арналған жаңа емхана салу үшін жер учаскесін ресімдеу және жобалау-сметалық құжаттаманы әзірлеуге конкурс жариялау үшін құжаттама дайындалуда (әзірлеу мерзімі – 2023 жылдың I-ші жарты жылдығы).

2. Сондай-ақ, осы жылдың соңына дейін Ақжар шағын ауданында 200 келушіге арналған 1 дәрігерлік амбулаторияның жобалау-сметалық құжаттамасын әзірлеу аяқталады, қазіргі уақытта ол мемлекеттік сараптаманың қарауында.

Құрылысты мемлекеттік сараптаманың оң қорытындысын алып, конкурстық процедураларды өткізгеннен кейін
2023 жылдың II-ші тоқсанында бастау жоспарланған.

 

БЕСІНШІ. Жайлы қалалық орта

1. Тұрақты су басатын жерлерді жою үшін ауданда 6 учаске анықталды. 4 учаске бойынша жұмыстар аяқталды: ұзындығы 1 100 метр Ойжайлау өзенінің арнасы нығайтылды, ұзындығы 800 метр 3 көшенің - Төлебеков, Талжанов, Жадыра көшелеріне арық желісі салынды.

       Биылғы қараша айының соңына дейін Райымбек даңғылындағы «Нұрлы Дала» тұрғын үй кешенінен Ақсай өзенінің арнасына дейін ұзындығы 1 400 м және Сәбденов көшесіндегі арық желісін абаттандыру аяқталады.

       Сондай-ақ, жоспарланған 11 км болатын 7 көшеден Карьерная, Дәулеткерей және Егінсу атты 3 көшенің арық желілері салынды. Қалған Рымжанов, Аспандияров, Айболит, Сейтбеков атты 4 көшенің жұмыстары осы жылдың қараша айы соңына дейін аяқталады.

2. 4 800 ағашты санитарлық кесу және 40 авариялық жағдайдағы ағашты санитарлық отау жұмыстары жүргізілді.
3. Халықтың қауіпсіздігін қамтамасыз ету және аудан аумағын бейнебақылау камераларымен қамту мақсатында 300 камераны орнату жұмыстары басталды (148 – аулада, 100 – көшеде, 52 – әлеуметтік объектіде). Бұл жұмыстар осы жылдың соңына дейін аяқталады.

2023 жылдың I-ші тоқсанында 369 камераға есептелген қазіргі 36 «Сергек» аппараттық-бағдарламалық кешеніне (21-желілік учаскелерде, 15 - көше қиылыстарында) қосымша 205 камераға есептелген 20 «Сергек» аппараттық-бағдарламалық кешені (19 – желілік учаскелерде, 1 – жол қиылысында) орнатылады.

4. «Халық қатысатын бюджет» бағдарламасы аясында 1,8 млрд. теңге сомасына барлық 47 жоба орындалды. Ақжар шағын ауданындағы (3 га) және Қалқаман шағын ауданындағы (2,5 га) скверлер, Қонаев көшесіндегі ұзындығы 1,2 км серуендеу аймағы, Мейрам микро ауданындағы жаяу жүргіншілер аймағы және т.б. абаттандырылды.

Барлығы 21 қоғамдық кеңістік учаскесі (скверлер, балалар алаңдары, аулалар) және жол инфрақұрылымы бойынша 26 жоба (жолдар, тротуарлар, арықтар, көпір өткелдері, суару жүйесі) абаттандырылды.

Келесі жылы дауыс беру қорытындысы бойынша берілген 129 ұсыныстың ішінен 1,8 млрд. теңгеден астам сомаға (1 млрд. 864 млн. теңге) 45 жоба алдын ала іріктеп алынды.

 

Құрметті Наурызбай ауданының тұрғындары!

Енді Сіздердің сұрақтарыңызға жауап беруге дайынмын.

Назарларыңызға рақмет!