Меню
«Қазақстан Республикасындағы сайлау туралы» Қазақстан Республикасының Конституциялық заңының 24-бабының 7 және 8-тармақтарына, 25-бабы 1-тармағының 4) тармақшасына сәйкес әскери бөлімдерде орналасқан әскери қызметшілердің, сондай-ақ олардың отбасы мүшелері мен әскери бөлімдер орналасқан жерлерде тұратын өзге де сайлаушылардың тізімдері әскери бөлім командирлері ұсынатын мәліметтердің негізінде жасалады. Уақытша болатын орындарда құрылған сайлау учаскелері бойынша сайлаушылар тізімдері дауыс беру күніне дейінгі күннің жағдайы бойынша міндетті түрде нақтыланады.
«Қазақстан Республикасы Ұлттық қауіпсіздік комитеті шекара қызметінің Алматы облысы бойынша Департаментінің Қарасай ауданы бойынша шекара басқармасының техникалық және дайындық бөлімі» мемлекеттік мекемесінде мерзімді әскери қызметшілердің болмауына байланысты сол жерде орналасқан №643 референдум учаскесі өз жұмысын тоқтатты.
Осылайша, дауыс беру күні Алматы қаласында бұрын жарияланған 654 учаскенің орнына 653 референдум учаскесі жұмыс істейді.