10.02.2025 жылғы № 1/1-169 Жер учаскелерін шектеулі пайдалану құқығын белгілеу туралы (жария сервитут)

10.02.2025 жылғы № 1/1-169

 

Жер учаскелерін шектеулі пайдалану құқығын

белгілеу туралы (жария сервитут)

 

 

Қазақстан Республикасы Жер кодексінің 16 және 69 баптарына  
сәйкес, «Алматы қаласы Қалалық мобилділік басқармасы» коммуналдық мемлекеттік мекемесінің 2024 жылғы 1 қарашадағы № 34.1-34.03/1957-И хаты негізінде Алматы қаласының әкімдігі ҚАУЛЫ ЕТЕДІ:

  1. «Алматы қаласы Қалалық мобильділік басқармасы» коммуналдық мемлекеттік мекемесінің мүддесі үшін жария сервитуттың шекара жоспарына және қаулының қосымшасына сәйкес «Алматы-2» теміржол вокзалынан «Райымбек батыр» метро бекетіне дейін жер асты жаяу жүргіншілер тоннелін салу үшін Алматы қаласы, Жетісу ауданы, «Алматы-2» теміржол вокзалының шығысында, Назарбаев даңғылының батысында орналасқан, жалпы ауданы 1,0345 га жер учаскелерін меншік иелерінен (жер пайдаланушылардан) алып қоюсыз 3 (үш) жыл мерзімге шектеулі пайдалану (жария сервитут) құқығы белгіленсін.
  2. «Алматы қаласы Қалалық мобилділік басқармасы» коммуналдық мемлекеттік мекемесі жер учаскелерінің меншік иелерін (жер пайдаланушыларды) шектеулі пайдалану құқығының (жария сервитут) белгіленгені туралы және аталған жер учаскелерінде құрылыс жұмыстарын бастау мерзімдері туралы хабардар етсін.
  3. «Алматы қаласы Жер қатынастары басқармасы» коммуналдық мемлекеттік мекемесі:

1) осы қаулыны қабылданған күнінен бастап үш жұмыс күні ішінде Алматы қаласы әкімдігінің интернет-ресурсын қоса алғанда, жергілікті бұқаралық ақпарат құралдарында жариялауды қамтамасыз етсін.

2) осы қаулыдан туындайтын қажетті шараларды қабылдасын.

  1. Осы қаулының орындалуын бақылау Алматы қаласы әкімінің жетекшілік ететін орынбасарына жүктелсін.

 

 

Алматы қаласының әкімі                                                                         Е. Досаев

 

 

Алматы қаласы әкімдігінің

2025 жылғы «10» ақпандағы

№ 1/1-169  қаулысына қосымша

 

 

Шектеулі пайдалану құқығы (жария сервитут)

орнатылатын жер учаскелерінің тізбесі

 

Р/с №

Кадастрлық нөмірі

 

Жер учаскесінің орналасқан жері

Сервитут шекарасына кіретін жер учаскесінің ауданы (га)

1.

20-314-033-089

Панфилов көшесі, 4

0,5448

2.

20-314-033-225

Панфилов көшесі, 12

0,0782

3.

20-314-033-233

Нұрсұлтан Назарбаев даңғылы, 21/20

0,0674

4.

20-314-033-312

Нұрсұлтан Назарбаев даңғылы, 21/2

0,3004

5.

20-314-033-239

Нұрсұлтан Назарбаев даңғылы, 21/1

0,0953

 

________________________________

 

 

 

Дата публикации
11 февраля 2025